गोवा : गोवा राज्यातील विधानसभा निवडणुकीसाठीचे (Goa Assembly Election) मतदान येत्या १४ फेब्रुवारीस हाेणार आहे. जास्ती जास्त मतदारांनी मतदानाचा हक्क बजावावा यासाठी गाेवा राज्य सरकारने मतदाना दिवशी सार्वजनिक सुट्टी (public holiday) जाहीर केली आहे. आज (साेमवार) त्याबाबतचे निवेदन काढण्यात आलं आहे.

सामान्य प्रशासन विभागाचे सचिव श्रीपाद आर्लेकर यांनी काढलेल्या आदेशानुसार गोवा (goa) सरकारने सोमवार (ता. १४ फेब्रुवारी २०२२) गोवा विधानसभेच्या सार्वत्रिक निवडणुकीत (goa election 2022) जास्ती जास्त मतदान व्हावे यासाठी सार्वजनिक सुट्टी (public holiday) म्हणून घोषित करण्यात येत आहे.

त्यानूसार गोव्यात मतदानाच्या दिवशी गोव्यात काम करणाऱ्या राज्यातील लोकांना सुट्टी दिली जाईल जेणेकरून ते त्यांचा मतदानाचा हक्क बजावू शकतील. गोवा विधानसभेची निवडणूक १४ फेब्रुवारीला होणार असून १० मार्चला मतमोजणी होणार आहे. दरम्यान याच दिवशी या व्हॅलेंटाईन डे (valentine day) आहे. त्यामुळे नागरिकांनी मतदान करुन लोकशाहीबद्दल त्यांचे प्रेम व्यक्त करावे असे आवाहन निवडणुक विभागाने व्यक्त केले आहे.

Edited By : Siddharth Latkar