सोशल मीडियावर सध्या या तरुणाची जोरदार चर्चा सुरु आहे... खुद्द खासदार नवीन जिंदालही या तरुणाला जाऊन भेटलेत...मात्र या भेटीमागचं कारण काय आहे... 21 जुलै 2006... सांयकाळी 6 वाजलेले.. कुरुक्षेत्रमधील हलदेरी गावात खेळता खेळता चार वर्षांच्या प्रिन्सनं किराणा मालाच्या दुकानातून उंदराला बाहेर येताना पाहिलं..आणि उंदराला पकडण्यासाठी प्रिन्स त्याच्या मागे धावला...
मात्र प्रिन्सची हीच उत्सुकता त्याच्यासाठी जीवघेणी ठरली...सिमेंटच्या गोणीमागे गेलेल्या उंदाराला पकडण्यासाठी गोणीवर चढलेला प्रिन्स थेट गोणीखालील 60 फूट खोल बोअरवेलमध्ये पडला...आणि त्यानंतर सुरू झाली ती मृत्यूशी झुंज...तब्बल 50 तास प्रिन्स झुंज देत होता आणि अवघा देश प्रार्थना करत, श्वास रोखून भारतीय लष्कराचं रेस्क्यू ऑपरेशन पाहात होता...आणि प्रिन्स सुखरूप बाहेर आल्यानंतर आनंदला होता..
आता हाच प्रिन्स 24 वर्षांचा झालाय... एका पोलो मॅच दरम्यान खासदार आणि उद्योगपती नवीन जिंदाल यांची प्रिन्ससोबत भेट झाली...
कुरुक्षेत्रमधील ते रेस्क्यू ऑपरेशन सर्वात मोठे आणि यशस्वी ऑपरेशन मानले जाते...या घटनेनंतर देशात बोअरवेल सुरक्षेबाबत कडक नियम लागू करण्यात आल्या..मात्र त्यानंतरही देशात अनेक ठिकाणी बोअरवेलमध्ये लहान मुलं अडकल्याच्या घटना घ़डल्या...
2009 ते 2019 या दहा वर्षांच्या काळात देशभरात सुमारे 40 हून अधिक मुलांचा बोअरवेलमध्ये पडून मृत्यू झालाय... त्यामुळे 20 वर्षांनंतर समोर आलेल्या प्रिन्समुळे पुन्हा एकदा बोअरवेलमुळे निर्माण झालेला मुलांच्या सुरक्षेचा मुद्दा ऐरणीवर आलाय...
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.