मध्य प्रदेश : आयपीएल सट्टेबाजीवर ठेवीदारांचे काेट्यावधी रुपये खर्च केल्याप्रकरणी एका पाेस्टमास्तरला (postmaster) पाेलीसांनी (police) अटक (arrest) केली आहे. या अटकेच्या कारवाईनंतर पाेस्ट मास्तरच्या पत्नीने नऊ लाख रुपये टपाल कार्यालयात जमा केल्याची पाेलीसांनी स्पष्ट केले. (ipl latest marathi news)

हा प्रकार मध्य प्रदेशातील (madhya pradesh) सागर (Sagar) जिल्ह्यातील एका टपाल कार्यलयात घडला आहे. काही लोक त्यांच्या मुदत ठेवीची (एफडी) रक्कम मिळत नसल्याने टपाल कार्यालयात सातत्याने चाैकशी करीत हाेते. अखेर त्यांना दहा ते १२ दिवसांनी टपाल कार्यालयातील कर्मचाऱ्यांनी त्यांचे मुदत ठेव क्रमांक आणि खाते क्रमांक नाेंदीत आढळत नसल्याचे सांगितले. त्यावेळी संबंधित ठेवीदारांना धक्का बसला.

या प्रकरणी पाेस्टमास्तर विशाल अहिरवार (Vishal Ahirwar) यास टपाल खात्याने निलंबित केले असून ठेवीदारांनी त्याच्याविरोधात पोलिसांत तक्रार केल्यानंतर त्यास नुकतीच अटक करण्यात आली आहे. दरम्यान ठेवीदारांचे पैसे आयपीएल बेटिंगसाठी (ipl 2022) वापरल्याचे अहिरवारने कबूली दिल्याचे पोलिसांनी सांगितले.

दरम्यान या प्रकरणानंतर ठेवीदार अडचणीत आले आहे. काेराेना काळात काहींचे नातेवाईक गेल्यानंतर त्यांनी टपाल खात्यात त्यांच्या मुला बाळांसाठी मुदतठेव ठेवल्या हाेत्या. तसेच एका या वृद्ध महिलेने आपल्या चार मुलींच्या लग्नासाठी निधीची व्यवस्था करण्यासाठी टपाल खात्यात पाच लाख रुपयांची मुदतठेव ठेवली हाेती. परंतु विशालच्या कृत्यामुळे आता त्यांच्याकडे काहीच उरले नाही, असे पाेलीस अधिका-याने नमूद केले.

Edited By : Siddharth Latkar