Pm Modi Egypt Visit: पंतप्रधान नरेंद्र मोदी इजिप्तच्या दोन दिवसांच्या दौऱ्यावर शनिवारी संध्याकाळी कैरो येथे पोहोचले आहे. पंतप्रधान मोदींचा हा पहिलाच इजिप्त दौरा आहे. कैरो विमानतळावर इजिप्तच्या पंतप्रधानांनी मोदींचे स्वागत केले. त्यांना गार्ड ऑफ ऑनर देण्यात आला.

तब्बल 26 वर्षांनंतर भारतीय पंतप्रधान द्विपक्षीय भेटीसाठी इजिप्तला पोहोचले आहेत. पंतप्रधान मोदी आज कैरोमध्ये इजिप्तचे पंतप्रधान मुस्तफा मैडबौली यांच्यासोबत गोलमेज बैठक घेणार आहेत. यानंतर ते भारतीय समुदायातील लोकांशी संवाद साधतील.

पंतप्रधान नरेंद्र मोदी रविवारी स्थानिक वेळेनुसार सकाळी 9.30 वाजता अल हकीम मशिदीला भेट देतील. यानंतर ते हेलिओपोलिस वॉर सेमेटरीला भेट देतील.

त्यानंतर ते इजिप्शियन प्रेसिडेंसीमध्ये आयोजित कार्यक्रमात सहभागी होतील. यानंतर पंतप्रधान मोदी इजिप्तचे राष्ट्राध्यक्ष एल सिसी यांची भेट घेणार आहेत. (Latest Marathi News)

रविवारी पंतप्रधान मोदी एका बैठकीला उपस्थित राहतील. ज्यामध्ये शिष्टमंडळ स्तरावरील चर्चा होईल. या बैठकीत काही करारांवर स्वाक्षऱ्या होणार असून याबाबतचे प्रसिद्धीपत्रक जारी करण्यात येणार आहे. पीएम मोदींची दुपारी २ वाजता पत्रकार परिषद होणार असून दुपारी ३ वाजता ते भारतासाठी रवाना होतील.