काही दिवसापूर्वी गुजरातमधील अहमदाबाद येथे एअर इंडियाच्या विमानाला अपघात झाला होता. त्यानंतर अनेक ठिकाणी विमान अपघाताच्या घटना घडल्या होत्या. आता पुन्हा एका विमानाचा अपघात झाला असून विमान चक्क महामार्गावर धावणाऱ्या वाहनांवर कोसळले आहे. विमान कोसळताच वाहनं आणि विमान आगीत भस्म झाले. या अपघाताचा व्हिडिओ सोशल मीडियावर व्हायरल झालाय. (Italy plane crash caught on camera as aircraft crashes on moving traffic)

हा विमान अपघात इटलीमध्ये घडलाय. व्हायरल झालेल्या व्हिडिओमध्ये एका महामार्गावर अनेक वाहने धावत असल्याचे दिसत आहे. अनेक मोठी वाहनेही धावत आहेत. त्याचदरम्यान एक छोटे विमान कोसळले. रस्त्यावर विमान कोसळताच विमानाने पेट घेतला. वाहनांही आग लागली असून महामार्गावर मोठा आगीचा भडका उडला होता.