Petrol Diesel Prices : इंधनाचे दर हे कच्चा तेलाच्या (Crud Oil) किंमतीवर आधारभूत असतात. गेल्या काही दिवसांपासून जागतिक बाजारात कच्चा तेलाच्या किंमतीत घसरण होत आहे. शुक्रवारी सकाळी सुद्धा कच्चा तेलाच्या किमतीत घट झाल्याचं पाहायला मिळालं. जागतिक बाजारात ब्रेंट क्रूडचे दर प्रतिबॅरेल 88.51 पर्यंत घसरले. कच्चा तेलाच्या किंमतीत घसरण होताच, भारतीय पेट्रोलियम कंपन्यांनी इंधनाचे दर जारी केलेत. (Petrol Diesel Latest Price Today)

भारतीय पेट्रोलियम कंपन्यांनी जारी केलेल्या दरानुसार, आजही देशातील मुंबई, दिल्ली, चेन्नई आणि कोलकाता या चार महानगरांमध्ये इंधनाच्या (Petrol-Diesel) दरात कोणताही बदल झालेला नाही. राजधानी दिल्लीमध्ये पेट्रोलचा दर प्रति लिटर 96.72 रुपये इतका आहे. तर डिझेलचा दर प्रति लिटर 89.62 रुपये आहे. मुंबईमध्ये पेट्रोलचा दर प्रति लिटर 106.31 रुपये असून, डिझेलचा दर प्रति लिटर 94.27 रुपये एवढा आहे. (Latest Marathi News)

राज्यांबद्दल बोलायचे तर, बहुतेक राज्यांमध्ये किंमतीत कोणताही बदल झालेला नाही. आज राजस्थानसह 4 राज्यांमध्ये केवळ 34 पैशांची वाढ झाली आहे. राजस्थानमध्ये पेट्रोल 108.85 रुपये प्रति लिटर, तर डिझेल 94.06 रुपये प्रति लिटरवर पोहोचले आहे. याशिवाय तेलंगणात पेट्रोल आता 34 पैशांनी घसरून 111.32 रुपये प्रति लिटर आणि डिझेल 33 पैशांनी घसरून 99.36 रुपये प्रति लिटरवर पोहोचले आहे. (Maharashtra News)

देशातील 4 प्रमुख महानगरातील पेट्रोल डिझेलचे भाव

– दिल्लीमध्ये पेट्रोल 96.72 रुपये आणि डिझेल 89.62 रुपये प्रति लिटर

– मुंबईमध्ये पेट्रोल 106.35 रुपये आणि डिझेल 97.28 रुपये प्रति लिटर

– चेन्नईमध्ये पेट्रोल 102.63 रुपये आणि डिझेल 94.24 रुपये प्रति लिटर

– कोलकातामध्ये पेट्रोल 106.31 रुपये आणि डिझेल 94.27 रुपये प्रति लिटर

दररोज सकाळी 6 वाजता जाहीर होतात नवीन दर

पेट्रोल आणि डिझेलचे दर दररोज सकाळी 6 वाजता बदलतात आणि नवीन दर जारी केले जातात. पेट्रोल आणि डिझेलच्या किमतीत एक्साईज ड्युटी, डीलर कमिशन, व्हॅट आणि इतर गोष्टी जोडल्यानंतर त्याची किंमत मूळ किंमतीच्या जवळपास दुप्पट होते. यामुळेच पेट्रोल आणि डिझेल इतके महागात खरेदी करावे लागत आहे.

Edited By - Satish Daud