जम्मू-काश्मीरच्या माजी मुख्यमंत्री आणि पीडीपी प्रमुख मेहबूबा मुफ्ती यांच्या कारचा अपघात झाला. हा अपघात अनंतनाग येथे झाला असून या दुर्घटनेत मेहबुबा मुफ्ती या थोडक्यात बचावल्या आहेत. मात्र त्यांच्या कार चालकाला दुखापत झाल्याचं सांगण्यात येत आहे. अनंतनागला जात असताना पीडीपी प्रमुख मेहबूबा मुफ्ती यांच्या कारला आज अपघात झाला. मेहबुबा मुफ्ती आणि त्यांचे सुरक्षा अधिकारी यांना कोणतेही गंभीर दुखापत झालेली नसल्याची माहिती पीपल्स डेमोक्रॅटिक पार्टी (पीडीपी) च्या मीडिया सेलने दिलीय.
जम्मू-काश्मीरमधील अनंतनागला जात असताना पीडीपी प्रमुख मेहबूबा मुफ्ती यांच्या कारला आज अपघात झाला. मेहबुबा मुफ्ती आणि त्यांचे सुरक्षा अधिकारी यांना कोणतेही गंभीर दुखापत झालेली नसल्याची माहिती पीपल्स डेमोक्रॅटिक पार्टी (पीडीपी) च्या मीडिया सेलने दिलीय. दरम्यान पोलिसांनी दिलेल्या माहितीनुसार, एका जुडणाऱ्या रस्त्यावर दोन कार एकमेकांना धडकल्याने हा अपघात घडला.
माजी मुख्यमंत्री मेहबुबा मुफ्ती ह्या खानबल येथे आग लागल्याच्या ठिकाणी पाहणी करण्यासाठी गेल्या होत्या.आगीत जे लोक होरपळले आहेत, त्या लोकांची भेट घेण्यासाठी त्या खानबल येथे जात होत्या. त्याचवेळी त्याच्या कारचा अपघात झाला. या दुर्घटनेत मेहबुबा मुफ्ती बचावल्या आहेत, तर त्याच्या कार चालकाला आणि सुरक्षा रक्षकाला दुखापत झालीय. दरम्यान अपघात झाल्यानंतरही मुफ्ती ह्यांनी आपला दौरा कायम ठेवत त्या खानबल येथे गेल्या. मेहबुबा मुफ्ती ह्या सुरक्षित असून त्यांना कोणत्याच प्रकारची दुखापत झाली नाहीये, असं पीडीपीचे प्रवक्त्यांनी सांगितलं.
दोन दिवसापूर्वी अनंतनाग जिल्ह्यातील खानबल भागातील ८ घरांना आग लागल्याची घटना घडली होती. यात घरांचे मोठे नुकसान झालं होतं. एका अधिकाऱ्याने सांगितले की, बोट कॉलनी खानबल येथे सोमवारी रात्री अचानक आग लागली होती.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.