दिल्ली पुन्हा एकदा भूकंपाने हादरली आहे. भूकंपाचा केंद्रबिंदू हे दक्षिण पूर्व दिल्ली होते. दिल्ली-एनसीआर सात दिवसांत तिसऱ्यांदा भूकंपाच्या धक्क्याने हादरलं. भूकंपाच्या धक्क्यानंतर दिल्लीकरांमध्ये एकच भीती पसरल्याची दिसून आली.

एका दिवसाआधी गाझियाबादमध्ये सौम्य स्वरुपाच्या तीव्रतेचा भूकंप झाला. मागील सोमवारी धौला विहिरीजवळ ४ तीव्रतेचा भूकंपाचा जोरदार धक्का बसला. भूकंपामुळे संपूर्ण एनसीआरमधील लोक घाबरल्याची माहिती मिळत आहे.

मीडिया रिपोर्टनुसार, राष्ट्रीय भूकंपशास्त्र केंद्राकडून सूचना मिळाल्यानंतर, सोमवारी ११.४६ वाजता राजधानी दिल्ली हलक्या स्वरुपाच्या भूकंपाने हादरली. दिल्लीतील हा भूकंपाचा धक्का २.२ रिश्टर स्केलचा होता. २.२ रिश्टर स्केलचा भूकंपाचा धक्का हा सौम्य स्वरुपाचा असतो. या भूकंपाचा केंद्रबिंदू दक्षिण पूर्व दिल्लीत होता. भूकंपामुळे जमिनीपासून १० किलोमीटर खोलवर हालचाल झाली. भूकंपाची तीव्रता कमी असल्याने कोणतंही मोठं नुकसान झाल्याची शक्यता कमी आहे.

गेल्या सात दिवसांत तीन भूकंपाचे धक्के बसले आहेत. या भूकंपाची तीव्रता ४.० रिश्टर स्केल इतकी होती. भूकंपामुळे दिल्ली, नोएडा, गाझियाबाद, गुरुग्राम आणि फरीदाबादमध्ये जमीन हादरली. आज सकाळी ५.३६ वाजता भूकंपाच्या हादऱ्यामुळे बहुतांश जणांची झोपमोड झाली. भूकंपामुळे लोक घाबरून घराबाहेर आले.

एक दिवसाआधी गाझियाबादमध्ये भूकंपाच्या धक्क्याने लोकांमध्ये एकच भीती पसरली होती. भूकंपाची तीव्रता कमी असल्याने अनेकांना भूकंपाची जाणीव देखील झाली नाही. राष्ट्रीय भूकंपशास्त्र केंद्राच्या माहितीनुसार, दुपारी ३ वाजून २४ मिनिटाला भूकंप झाला. या भूकंपाची तीव्रता २.८ रिश्टर स्केल इतकी होती.