Pakistani Tiktoker Hareem Shah MMS Leaked : पाकिस्तानची प्रसिद्ध सोशल मीडिया इन्फ्ल्युएन्सर आणि टिकटॉक स्टार हरीम शाहला कोणत्या वेगळ्या ओळखीची गरज नाही. तिचे अनेक व्हिडीओ सोशल मीडियावर व्हायरल होत असतात. मात्र सध्या हरीम अन्य काही कारणांमुळे चर्चेत आहे. अलीकडेच हरीम शाहचा एमएमएस व्हिडिओ लीक झाल्याची बातमी समोर आली आहे. (Latest Marathi News)

हरीम शाहचा एमएमएस लीक झाल्याच्या बातमीने सर्वत्र खळबळ उडाली आहे. हरीम शाहने तिचा एमएमएस लीक झाल्यानंतर मोठा खुलासा केला आहे. हरीम शाहने सांगितले की, सोशल मीडियावर माझे खासगी व्हिडिओ व्हायरल होत आहेत. हे व्हिडीओ व्हायरल (Video Viral) करण्यामागे अजून कोणी नाही तर तिच्या जवळच्या मित्रांचा हात असल्याचा संशय हरीमने व्यक्त केला आहे. संदाल खट्टक आणि आयेशा नाझ या दोन मित्रांची नावं कॅमेऱ्यासमोर घेत हरीमने त्यांच्यावर व्हिडीओ व्हायरल केल्याचे आरोप केला आहे.

“काही वर्षांपूर्वी मी स्वत: माझे हे व्हिडीओ बनवले होते. खट्टक आणि आयेशाने माझ्या फोनमधून हे व्हिडीओ चोरुन ते व्हायरल केले आहेत. याबाबत मी कायदेशीर कारवाई करणार आहे”, असं देखील हरीम शाह म्हणाली आहे.

हरीम शाहचे नाव पाकिस्तानच्या टॉप सोशल मीडिया इन्फ्ल्युएन्सरच्या यादीत येते. एकट्या इन्स्टाग्रामवर हरीम शाहचे २९६ हजारांहून अधिक फॉलोअर्स आहेत. तर टिकटॉकवरही हरीम शाहच्या चाहत्यांची संख्या १ लाख ८६ हजार आहे.