ऐकलंत....पाकमधील या तरुणाने पाकिस्तानमधील सर्व प्रांतातल्या लोकांना 20 सप्टेंबरला अजान देण्याचं आवाहन केलंय. अशा आवाहनाचे अनेक व्हिडीओ पाकच्या सोशल मीडियावर धुमाकळ घालतायेत.... तरुणाई रस्त्यावर उतरली...आक्रमक झाली तर काय होतं हे नेपाळच्या निमित्ताने संपूर्ण जगानं पाहिलंय. आता पाकिस्तानातही याचीच पुनरावृत्ती होण्याची शक्यता आहे. पंतप्रधान शाहबाज शरीफ आणि लष्करप्रमुख असीम मुनीर यांच्या विरोधात आठ कोटी जेन झी आक्रमक झाले आहेत. त्यासाठी त्यांनी 'मिशन नूर' सुरू केलं असून सत्ताधाऱ्यांना थेट सहा दिवसांचा अल्टिमेटम दिलाय.

नेपाळ आणि फ्रान्सपासून धडा घेत पाकिस्तानने लष्करप्रमुख मुनीर आणि मंडळींना उखडून टाकण्यासाठी आक्रमक झाले आहेत पाकिस्तानमध्ये क्रूर शासक असल्याचा आरोप करत सोशल मीडियावर एक मोहीम सुरू केली आहे. ज्याला 'मिशन नूर' असे नाव देण्यात आले आहे. येत्या 20 सप्टेंबरला रात्री 9 वाजता सर्वांनी आपल्या घराच्या छतावर जाऊन मोठ्या आवाजात अजान द्यावी, असं आवाहन करण्यात आलंय. यावेळी तुम्ही मास्क लावून तुमचा चेहरा लपवू शकता, अशी सुचनाही करण्यात आली आहे.

मिशन नूरमधून केलेल्या या सामुहिक अजानच्या आवाहनाचा

पाकिस्तानी राज्यकर्त्यांनी धसका घेतला आहे. एकीकडे बलुचिस्तानने पाकिस्तानविरुद्ध युद्ध पुकारले आहे. गिलगिट-बाल्टिस्तान प्रांतात देखील पाकिस्तानविरोधातलं वातावरण आहे, अशा परिस्थितीत तरुणाईचा आवाज दाबण्याचा प्रयत्न झाला तर त्याचे तीव्र पडसाद उमटू शकतात. आधीच पाक पूर्णपणे कंगाल झाला आहे. सरकार आणि लष्करप्रमुख मुनीरच्या कारस्थानांना जनता कंटाळली आहे. त्यामुळे तिथल्या तरुणाईचा असंतोष कधी आणि कुठल्या स्वरूपात बाहेर येईल आणि पाकिस्तानची किती शकलं होतील हे पाहणं महत्वाचं आहे.