इराणमध्ये हल्ला झाल्यानंतर पाकिस्तानमध्ये दंगल उसळलीय..पाकिस्तानातील रस्त्यांरस्त्यावर मोहल्ल्यांमोहल्ल्यांमध्ये पाकिस्तानी नागरिकांनी अक्षरशः धिंगाणा घालायला सुरुवात केलीये. याआंदोलनाचं नेतृत्व शिया मुस्लिम करत असल्याचं मोठ्या प्रमाणात दिसतंय. कराचीतील अमेरिकन दूतावास आणि इस्लामाबादमधील संयुक्त राष्ट्रांच्या कार्यालय या हिंसक जमावानं फोडून टाकलंय. तर पाकिस्तानमधील महत्वाचे रस्ते अडवून चक्काजाम केलाय.

पाकिस्तानी पोलिसांचा पाकिस्तानींवरच गोळीबार

अमेरिका-इस्त्रायल विरोधात शिया मुस्लिम रस्त्यावर

धर्माच्या आगीत पुन्हा होरपळला पाकिस्तान

आधीच संकटात असलेल्या पाकिस्तानला मध्य-पूर्वेतील य़ुद्धानं नव्या संकटात टाकलंय.. अमेरिकेनं सातत्यानं पाकिस्तानला आर्थिक आणि लष्करी मदत पुरवत पोसलंय. त्यामुळे पाकिस्तान अमेरिकेच्या बाजूनं उभा आहे हे पाकिस्तानातील शिया मुस्लिमांनाही माहितीये. म्हणूनच खामेनींच्या हत्त्येनंतर पाकमधील शिया मुस्लिम आपल्याच सरकार विरोधात आक्रमक होत हिंसका आंदोलनं करु लागलेत.

पाकिस्तानात 10 ते 15 टक्के शिया मुस्लिम

शिया मुस्लिमांचा पाकिस्तानात धार्मिक दबदबा

कराची, लाहोर आणि पेशावर प्रांत शियाबहुल

खामेनींच्या हत्येनंतर जगात युद्ध पेटलेले असतांना पाक दोन्ही बाजूनं हतबल झालाय. एकीकडे शेजारील तालिबाननं पाकचं कबरडं मोडलंय. तर दुसरीकडे पाकिस्तानातील शिया समाजानं पाक मध्ये गृहयुद्ध पुकारलंय. त्यामुळे जगात नाचक्की झालेल्या पाक सरकारला आता आपल्याच नागरिकांवर गोळ्या झाडण्याची वेळ आलीये.