One Nation One Election :

माजी राष्ट्रपती रामनाथ कोविंद यांच्या अध्यक्षतेखालील समितीला 'वन नेशन-वन इलेक्शन' संदर्भात जनतेकडून २१,००० सूचना प्राप्त झाल्या आहेत. त्यापैकी ८१ टक्के लोकांनी देशातील लोकसभा आणि विधानसभांच्या निवडणुका एकत्र घेण्यासाठी मतदान केले आहे.

४६ राजकीय पक्षांकडूनही सूचना मागवण्यात आल्याचे अधिकृत निवेदनात म्हटले आहे. त्यात म्हटले आहे की, आतापर्यंत १७ राजकीय पक्षांकडून सूचना प्राप्त झाल्या आहेत.  कॉंग्रेस आणि टीएमसीसह विविध विरोधी पक्षांनी एकाचवेळी निवडणुका घेण्याच्या कल्पनेला विरोध केला आहे.  ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

गेल्या वर्षी सप्टेंबरमध्ये स्थापन करण्यात आलेल्या कोविंद यांच्या नेतृत्वाखालील समितीची रविवारी तिसरी बैठक झाली. एकूण २०,९७२ अर्ज समितीकडे प्राप्त झाले आहेत. त्यापैकी ८१ टक्के लोकांनी एकाचवेळी निवडणुका घेण्याच्या कल्पनेशी सहमती दर्शवली आहे. समितीची पुढील बैठक आता २७ जानेवारीला होणार असल्याचे निवेदनात म्हटले आहे. (Latest Marathi News)

समितीच्या रविवारच्या बैठकीला राज्यसभेतील माजी विरोधी पक्षनेते गुलाम नबी आझाद, कायदा मंत्री अर्जुन राम मेघवाल, 15 व्या वित्त आयोगाचे माजी अध्यक्ष एनके सिंह, माजी लोकसभेचे सरचिटणीस सुभाष सी कश्यप आणि माजी मुख्य दक्षता आयुक्त संजय कोठारी उपस्थित होते. यामध्ये निवडणूक आयोगाच्या सूचनांचीही समितीने नोंद घेतली.