Viral Photos : वय झाल्यावर म्हातारपणात त्या व्यक्तीची जास्त काळजी घ्यावी लागते. काही व्यक्तींना वृद्धपकाळाने सांदे दुखीच्या समस्यांना सामोरे जावे लागते. सोशल मीडियावर काही वृद्ध व्यक्तींचे तरुणांनाही लाजवेल असे काही व्हिडिओ पहायला मिळतात. आता देखील सोशल मीडियावर काही आजींचे भन्नाट फोटो व्हायरल झाले आहेत. (Latest Marathi News)

काही वृद्ध व्यक्ती जोशमध्ये येऊन अशी कामं करतात की पाहणारे दंश होतात. सोशल मीडियावर या आजींचे असेच अतरंगी स्टंटचे काही फोटो समोर आले आहेत. फोटोमध्ये या आजी चक्क स्केटींगवर चालताना दिसत आहेत. त्यांची ही कमाल पाहून सगळेच अवाक झालेत. ७०-७५ वयाच्या आजी अशा प्रकारे स्केटींग कशा करू शकतात असा प्रश्न अनेकांना पडला आहे.

व्हायरल फोटोमध्ये तुम्हीही पाहू शकता की, एकून १० आजी स्केटींग घेऊन रस्त्यावर उतरल्या आहेत. यातील काही जणी साडी नेसून आल्यात. साडी आणि डोक्यावर पदर घेऊन या आजी स्टंट करत आहेत. फोटोपाहून तुम्ही देखील अवाक झाले असाल. मात्र या फोटो मागे वेगळंच सत्य दडलं आहे.

आर्टिफिशल इंटेलिजन्समार्फत हे फोटो इडीट करण्यात आले आहेत. आशिष जोस नावाच्या इंस्टाग्राम अकाऊंटवर हे फोटो पोस्ट करण्यात आले आहेत. मात्र फोटो पाहिल्यावर हे आर्टिफिशल इंटेलिजन्समार्फत तयार केलेले फोटो असावेत असे अजिबात वाटत नाही. नेटकऱ्यांनी यावर अनेक मजेशीर कमेंट केल्या आहेत.