लखनौ : एका अजब लग्नाची सध्या देशभर चर्चा सुरु आहे. चर्चा होण्याचं कारणंही तसंच आहे. कारण चक्क सासऱ्याने आपल्या सुनेसोबत लग्न करुन संसार थाटला आहे. उत्तरप्रदेशच्या गोरखपूरमधील या लग्नाची सोशल मीडियावरही जोरदार चर्चा सुरु आहे.
गोरखपूरच्या बरहलगंज परिसरातील ही घटना आहे. कैलाश यादव वय 70 वर्षे यांनी आपली सून पूजा वय 28 वर्षे हिच्याशी मंदिरात लग्न केले. या लग्नाची माहिती ज्यांना ज्यांना कळाली त्या सर्वांनाच आश्चर्याचा धक्का बसला आहे. या विवाहित जोडप्याचा फोटो आता व्हायरल होत आहे.
कैलास यादव यांच्या पत्नीचे 12 वर्षांपूर्वी निधन झाले होते. त्यानंतर मुलाच्या मृत्यूनंतर सून विधवा झाली होती. मग सासऱ्यांनीच सुनेसोबत संसार थाटण्याचा निर्णय घेतला. वयातील अंतर आणि समाज काय बोलेल याचा विचार न करता दोघांनी मंदिरात जाऊन एकमेकांसोबत लगीनगाठ बांधली.
दोघांनी परस्पर संमतीने लग्न केल्याची माहिती मिळत आहे. या लग्नाची दुसऱी बाजू अशीही समोर येत आहे की, मुलाच्या मृत्यूनंतर वृद्ध सासरच्यांनी सुनेचं दुसरीकडे लग्न लावून दिलं होतं. पण सुन तिथे फार दिवस राहिली नाही आणि पुन्हा पहिल्या सासरी परतली. यानंतर सासरच्यांनीच तिच्या भविष्याचा विचार करून तिच्याशी लग्न करण्याचा निर्णय घेतला .
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.