ओडीसा राज्यातून एक धक्कादायक घटना समोर आली आहे. ओडिशाच्या राउरकेला येथे इयरफोन्स शेअर करण्यावरून झालेल्या भांडणानंतर इयत्ता 9 वीच्या विद्यार्थ्याची त्याच्या दोन मित्रांनी दगडाने ठेचून हत्या केल्याची घटना उघडकीस आली आहे. या घटनेने परिसरात एकच खळबळ उडाली आहे.
याबाबत सविस्तर माहिती अशी की, ओडिसाच्या (Odisa) हेकाटे रोडलगत झुडपामध्ये एका 15 वर्षीय मुलाचा मृतदेह मंगळवारी सापडला होता. हा मुलगा रविवारपासून बेपत्ता होता. रविवारी संध्याकाळपासून विद्यार्थ्याचा ठावठिकाणा न लागल्याने त्याच्या पालकांनी आरएन पाली पोलिस ठाण्यात हरवल्याची तक्रार दाखल केली होती.
त्यानंतर त्याचा मृतदेह आढळल्याने एकच खळबळ उडाली. मुलाच्या पालकांकडून त्याच्या दोन मित्रांबद्दल माहिती मिळाली. या मित्रांची पोलिसांनी चौकशी केली असता या धक्कादायक प्रकरणाचा उलघडा झाला.
का केली हत्या...
समोर आलेल्या माहितीनुसार, तिघेही मित्र सायकलवरून जॉयराईडवर जात होते. यावेळी त्यांच्यात हॅकेट रोडवर मोबाईलचे इअरफोन्स शेअर करण्यावरून जोराचे भांडण झाले. या भांडणाचे रुपांतर हाणामारीत झाले आणि दोघांनी मिळून या मुलाची दगडाने ठेचून हत्या केली. याप्रकरणी दोन मुलांसह, गुन्ह्याचा साक्षीदार असलेल्या आणखी एका मुलालाही ताब्यात घेण्यात आले असून पोलीस अधिक तपास करत आहेत. (Latest Marathi News)
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.