नितीश कुमार यांनी राज्यसभा सदस्येची शपथ घेतल्यानंतर त्यांनी आपले निवासस्थान सोडले आहे. ट्रॅक्टर आणि ट्रॉलीने त्यांचे सामान हलवण्यास सुरुवात झाले असून 14 एप्रिलला ते राजीनामा देणार आहेत. तर 15 एप्रिलला बिहारमध्य नवीन सरकार स्थापना होणार आहे. 10 एप्रिल रोजी त्यांनी खासदारकीची शपथ घेतली.

मुख्यमंत्र्यांनी निवासस्थान सोडताच राजकीय घडामोडींना वेग

14 एप्रिल रोजी नितीश कुमार मुख्यमंत्रीपदाचा राजीनामा देणार असल्याने त्याच्या निवासस्थानाबाहेर राजकीय घडामोडींना वेग आला आहे. तसेच 15 तारखेला राज्यात नवीन सरकार देखील स्थापन होणार आहे.

नितीश कुमार निवासस्थान का सोडत आहे याची अधिकृत माहिती समोर आली जरी नसली तरी बिहारमध्ये राजकीय वारे बदलणार असल्याचे संकेत मिळत आहे. सूत्रांनी दिलेल्या माहितीनुसार, नितीश कुमार 7 सर्कुलर रोड येथील निवासस्थानी राहणार आहेत. ते आधी देखील त्याच निवासस्थानी राहत असे.

नितीश कुमार यांच्या नवीन निवासस्थानाबाबत जोरदार चर्चा सुरू आहे. या स्थलांतरानंतर त्यांचे नवीन निवासस्थान लालू प्रसाद यादव यांच्या निवासस्थानाला लागून असेल, ज्यामुळे हे दोन्ही नेते एकमेकांच्या शेजारी राहतील. ही बाब राजकीयदृष्ट्या रंजक मानली जात आहे. कारण नितीश कुमार आणि लालू प्रसाद यादव हे दोघेही दीर्घकाळापासून बिहारच्या राजकारणाच्या केंद्रस्थानी राहिले आहेत.