भरत मोहोळकर, साम टीव्ही

government new guidelines to regulate the usage of air conditioners : उकाड्याने हैराण झाल्यानंतर एसीचा थंडावा प्रत्येकाला हवा असतो. मात्र आता तुमच्या एसीचं तापमान सरकार नियंत्रित करणार आहे. त्यासाठी सरकारने एअर कंडिशनिंगसाठी राष्ट्रीय मानक ठरवण्याच्या हालचाली सुरू केल्या आहेत. याबाबतची माहिती केंद्रीय उर्जा आणि शहर विकास मंत्री मनोहरलाल खट्टर यांनी दिलीय.

एकीकडे देशात कार्बनचं उत्सर्जनामुळे प्रदूषण वाढत आहे. तर दुसरीकडे उर्जेचा मोठ्या प्रमाणावर तुटवडा निर्माण होतोय. त्यामुळेच सरकारने एसीचं तापमान नियंत्रित करण्यासाठी धोरण आखण्याच्या हालचाली सुरू केल्या आहेत. मात्र हे या धोरणात नेमकं काय असणार आहे? पाहूयात.

ठळक मुद्दे -

एसीच्या तापमान मर्यादेसंदर्भात नियम लागू करणार

एसीचे तापमान 20 ते 28 अंश सेल्सियस मर्यादेत ठेवावं लागणार

घर, ऑफिस आणि मॉलच्या सेंट्रल एसीलाही हा नियम लागू

विजेची बचत आणि कार्बन उत्सर्जन कमी करण्यासाठी निर्णय

2026 च्या उन्हाळ्यापूर्वी नियम लागू करणार

अनेक ऑफिसमध्ये एसीचं तापमान 16 ते 18 अंश सेल्सियसपर्यंत ठेवण्यात येतं....त्यामुळे उन्हाळ्यात 10-12 गिगावॅट इतका ताण पॉवर ग्रीडवर येतो... त्यामुळेच विविध देशांच्या एसी संबंधित धोरणांचा अभ्यास करुन एसीचं तापमान 20 ते 28 अंश सेल्सियस दरम्यान ठेवण्याचा नियम करण्यात येणार आहे... तर एसीचं तापमान 16 ते 20 दरम्यान ठेवणाऱ्यांना 20 अंश सेल्सियसपेक्षा जास्त तापमानाची सवय करुन घ्यावी लागणार, हे निश्चित.