हा व्हिडिओ पाहून थरकाप उडाल्याशिवाय राहणार नाही. किती भयंकर असा हा ज्वालामुखी आहे. काही क्षणात इथे होत्याचं नव्हतं झालंय. इथिओपियात ज्वालामुखीचा उद्रेक झाल्याने त्याचे भयंकर परिणाम भारतात पाहायला मिळत असल्याचा दावा करण्यात आलाय. इथिओपियात ज्वालामुखीचाचा उद्रेक झाल्याने राखेचे ढग भारतापर्यंत आलेयत. एवढ्या लांब हे राखेचे ढग आल्याने हा ज्वालामुखी आता जग भस्म करणार असल्याचा दावा करण्यात आलाय. यामुळे भीतीचं वातावरण पसरलंय. राखेच्या ढगांमुळे काही विमानंही रद्द करण्यात आली.

व्हायरल सत्य

21 नोव्हेंबरला इथिओपियात ज्वालामुखीचा उद्रेक झाला

जगभरातील अनेक देशांच्या आकाशात राखेचे ढग पसरले

आफ्रिकेतील इथिओपियातून भारतात राखेचे ढग आले

आता व्हायरल होत असलेला व्हिडिओ AI निर्मित

रस्त्यावर उभ्या असलेल्या गाड्यांमधून लावा बाहेर आलेला नाही.

या व्हायरल व्हिडिओमुळे लोकांच्या मनात भीती निर्माण झालीय. राखेच्या ढगांमुळे सगळीकडे धुराचं वातावरण दिसतं. प्रदुषणामुळे लोकांना त्रासही होतो. इथियोपियात ज्वालामुखीचा उद्रेक झाला हे खरं आहे. पण, आता आणखी काही व्हिडीओ व्हायरल करण्यात आलेयच ते AI निर्मित आहेत. त्यामुळे अशा व्हिडिओवर विश्वास ठेवू नका. ज्वालामुखीच्या या उद्रेकामुळे जग भस्म होणार हा दावा आमच्या पडताळणी असत्य ठरलाय.