मुलीच्या लग्नाचं वय आता 9 वर्ष करण्यात येणार आहे. तसं संसदेत विधेयकही मांडण्यात आलंय. त्यामुळे लवकरच हा कायदा होणार असून मुलींच्या लग्नाचं वय 18 वरून थेट 9 वर येणार आहे. नेमकं हे कुठं झालंय आणि का करण्यात आलंय त्याचा हा विशेष रिपोर्ट.

सध्या भारतात मुलींचं लग्नासाठी वय 18 वर्षे बंधनकारक आहे, आता हेच वय 21 वर्ष करण्यासाठी भारतात हालचाली सुरू आहेत. भारतापासून अवघे दोन देश दूर असलेल्या इराकमध्येही मुलीच्या लग्नाचं वय 18 वर्षं एवढंच आहे. मात्र आता इराकमध्ये मुलींच्या लग्नाच्या वयाबाबत धक्कादायक कायदा करण्यात येणार आहे. आता हेच वय 18 वर्षांवरून 9 वर्षांवर आणण्याच्या तयारीत इराक सरकार आहे, यासंदर्भातलं विधेयकही इराकच्या संसदेत मांडण्यात आलंय. या विधेयकामुळे जगभरात मोठी चिंता व्यक्त होऊ लागलीय, अनेक देश आणि विचारवंतांकडून या विधेयकाला विरोध होऊ लागलाय. कारण या निर्णयामुळे

लग्नाचं वय कमी केल्यानं काय होणार?

तरूण मुलींच्या शिक्षणावर निर्बंध

मुलींच्या आरोग्यावर परिणाम होणार

बालविवाहांमुळे मुलींना शाळा सोडावी लागणार

अकाली गर्भधारणा आणि घरगुती हिंसाचार वाढण्याची भीती

इराकच्या या निर्णयामुळे मानवाधिकार संघटनांनी मोठी चिंता व्यक्त केलीय, मात्र भारताशेजारील इतर मुस्लिम बहुल देशात मुलींच्या लग्नाचं वय काय आहे ते पाहूयात.

कोणत्या देशात लग्नाचं किती वय?

भारतात 18 वर्ष

बांग्लादेश 18 वर्ष

पाकिस्तान 16 वर्ष

अफगाणिस्तान 16 वर्ष

इराण 13 वर्ष

युनिसेफच्या अहवालानुसार इराकमध्ये 28 टक्के मुलींची लग्ने 18 वर्षांच्या आधी होतात, आता याला कायद्याची जोड मिळाली तर हे प्रमाण भयानक वाढणार. याचा दूरगामी परिणाम इराकच्या महिलांवर होणार आहे. सारं जग प्रगतीच्या दिशेनं वाटचाल करत असताना इराकचा प्रवास मात्र आदिम काळाकडे सुरू झालाय.