'मराठा-ओबीसींमधील सलोखा बिघडू देऊ नका', असं आवाहन मराठा नेते मनोज जरांगे पाटील यांनी केलं आहे. आज रुग्णालयातून डिस्चार्ज मिळाल्यानंतर ते अंतरवाली सराटी येथे दाखल झाले. यावेळी जरांगे पाटील यांचे जंगी स्वागत करण्यात आलं आहे. यातच समाज बांधवाना संबोधिता संबोधित करताना त्यांनी हे आवाहन केलं आहे.

मनोज जरांगे म्हणाले की, ''गावातील ओबीसी लोकांनी कितीही विरोध केला तरीही आपण त्यांना दुखवायचे नाही. गाव खेड्यातली आपली घडी विस्कटू द्यायची नाही. ते (छगन भुजबळ) भांडण लावतात. आपण आपल्या शिवभाऊला आपले समजायचे. राज्यभरातील ओबीसी आणि मराठा एक आहे.''

जरांगे म्हणाले, ''छगन भुजबळ यांना दंगली घडवायच्या आहेत. मात्र त्यांचे स्वप्न आपल्याला पूर्ण होऊ द्यायचे नाही. भोगायची वेळ आली तर गोरगरीब मराठा ओबीसींना भोगावे लागणार आहे. भजबल यांना काही होणार नाही.''