एका पतीने पत्नीसोबत झालेल्या वादातून स्वत:वर रॉकेल ओतून पेटवून घेतलंय. ही धक्कादायक घटना बरेलीच्या कँट परिसरात घडली असून, पतीने आधी स्वता:ला पेटवून घेतलं आणि नंतर भर रस्त्यात ओरडत धावताना दिसला. परिसरातील नागरीकांनी लागलेली आग विझवण्याचा प्रयत्न केला. मात्र, वेळेवर आग विझवण्यात न आल्यानं त्याचा जागीच मृत्यू झाला. या धक्कादायक घटनेनंतर परिसरात एकच खळबळ उडाली आहे.

बरेलीच्या सकलेन नगरमध्ये एक धक्कादायक घटना घडली आहे. एका पतीने पत्नीसोबत झालेल्या वादातून स्वत:ला पेटवून घेतलं आहे. मृत व्यक्तीचे नाव सलीम (वय वर्ष ४०) असून, तो भंगार विक्रेत्याचे काम करत होता. रविवारी सलीमचे पत्नीसोबत काही कारणावरून भांडण झाले. भांडणात सलीमचा राग अनावर झाला, त्याने स्वत:वर रॉकेल ओतून घेतलं आणि पेटवून घेतलं.

यादरम्यान, तो बाहेर पडत रस्त्यावर धावला. किमान ५०० मीटर अंतर पळत तो गेला. परिसरातील लोकांनी जेव्हा त्याला पाहिलं तेव्हा त्याच्यावर पाणी टाकत आग विझवण्याचा पर्यंत केला. जेव्हा पत्नीला पती आगीमुळे जळत असल्याचं दिसलं, तेव्हा ती प्रचंड घाबरली होती. सलीमला वाचवण्यासाठी सगळ्यांकडून शर्तीचे प्रयत्न सुरू होते. मात्र, इतकी वाढली, की सलीमचे शरीर संपूर्ण जळाले होते.

आग इतकी वाढत गेली की त्यात होरपळून सलीमचा जागीच मृत्यू झाला. घटनेची माहिती मिळताच पोलीस घटनास्थळी दाखल झाले. त्यानंतर पोलिसांनी सलीमचा मृतदेह ताब्यात घेत शवविच्छदनासाठी पाठवले आहे. या प्रकरणाबाबत कँट पोलीस ठाण्यातील पोलिसांनी माहिती देताना सांगितले, पत्नीसोबत भांडण झाल्यानंतर एका व्यक्तीने स्वत:ला पेटवून घेतलं आहे. त्यामुळे पतीचा मृत्यू झाला आहे. मृतदेह शवविच्छदनासाठी पाठवण्यात आले असून, या प्रकरणी पुढील तपास सुरू आहे.