नवी दिल्ली: पश्चिम बंगालमध्ये सत्ताधारी तृणमूल काँग्रेसला (Congress) आणखी एक धक्का बसला आहे. माजी राज्यसभा खासदार पवन के वर्मा यांनी TMC चा राजीनामा दिला आहे. तृणमूल काँग्रेसमध्ये ते ९ महिन्यापूर्वी आले होते. आता त्यांनी पक्षाचा राजीनामा दिला. गेल्या वर्षी नोव्हेंबरमध्ये ते जनता दलमधून टीएमसीमध्ये आले होते.

माजी खासदार पवन के वर्मा यांनी ट्विट करुन माहिती दिली आहे. 'ममता बॅनर्जी कृपया माझा पक्षाचा राजीनामा स्वीकारा. तुम्ही मला दिलेल्या आपुलकीबद्दल मला तुमचे आभार मानायचे आहेत. मी नेहमी तुमच्या संपर्कात राहण्यास उत्सुक आहे. आपणास शुभेच्छा, असं ट्विट पवन के वर्मा यांनी केले आहे.

माजी खासदार पवन के वर्मा यांची डिसेंबर २०२१ मध्ये टीएमसीचे (TMC) राष्ट्रीय उपाध्यक्ष आणि प्रवक्ते म्हणून नियुक्ती करण्यात आली होती. पण यावर्षी फेब्रुवारी महिन्यात पदाधिकाऱ्यांची नवीन समिती स्थापन झाल्यानंतर त्यांना पक्षात कोणतेही औपचारिक पद देण्यात आले नाही.

'त्यांना राज्यसभेवर दुसरी टर्म मिळाली नाही, तेव्हा त्यांनी पक्ष सोडला आणि टीएमसीमध्ये प्रवेश केला. कदाचित त्यांना तृणमूल काँग्रेसकडून राज्यसभा हवी होती. तसे झाले नाही तर आता त्यांनी पक्ष सोडण्याचा निर्णय घेतला, असे खासदार सौगता रॉय म्हणाले.

गेल्या काही दिवसापूर्वी ममता बॅनर्जी यांच्या मंत्रिमंडळातील मंत्री पार्थ चॅटर्जी यांच्यावर शिक्षक भरती घोटाळ्याचा आरोप आहे. या आरोपनंतर त्यांना मुख्यमंत्री बॅनर्जी यांनी त्यांना पक्षातून काढून टाकले आहे.