Road Accident in Germany : जर्मनीच्या म्यूनिख शहरात अपघाताची भीषण घटना घडली आहे. म्यूनिख शहरात भरधाव कारने आंदोलकांना चिरडल्याची घटना घडली आहे. म्यूनिखच्या डाउनटाउन भागात सकाळी १०.३० वाजण्याच्या सुमारास अपघाताची घटना घडली आहे. या अपघातानंतर घटनास्थळी एकच हाहाकार उडाला. पोलिसांनी कार चालकाला तातडीने अटक केली आहे.

मीडिया रिपोर्टनुसार, जर्मनीच्या म्यूनिख डाउनटाऊन शहरात अपघाताची घटना घडली आहे. एका कार चालकाने रस्त्यावर आंदोलन करणाऱ्यांना चिरडल्याची घटना घडली आहे. अपघातानंतर पोलिसांनी मिनी कार जप्त केली आहे. अग्निशमन दलाच्या माहितीनुसार, भीषण अपघातात कमीत कमी २८ जण जखमी झाले आहेत. यात काही लहान मुलांचाही समावेश आहे. अपघातातील काही जखमींची प्रकृती गंभीर असल्याची माहिती मिळत आहे.

म्यूनिखचे महापौर डायटर रायटर यांनी घटनेविषयी तीव्र शोक व्यक्त केला. अपघातातील जखमींमध्ये लहान मुलांचाही समावेश आहे. सर्व्हिस वर्कर्स यूनियनचे लोक आंदोलन करत होते, त्यावेळी कार चालकाने आंदोलकांना चिरडलं. म्यूनिख पोलिसांनी सांगितलं की, 'डचौअर आणि सीडलच्या रस्त्यावर पोलिसांनी मोठी कारवाई सुरु केली आहे.

व्हायरल व्हिडिओमध्ये काय आहे?

रस्त्यावर काही यूनियनचे आंदोलकाकडून आंदोलन केले जात होते. रस्त्यावर मोठ्या संख्येने आंदोलन सुरु होतं. त्याचवेळी कार चालकाने आंदोलकांना चिरडलं. त्यानंतर रस्त्यावर एकच खळबळ उडाली. कार चालकाने चिरडल्याने अनेक आंदोलक जखमी झाल्याचे दिसत आहे. पोलीस तातडीने मदतीला धावले. एकीकडे पाऊस देखील सुरु आहे.

पावसातच भीषण अपघात झाला आहे. रस्त्यावरील वाहतूक थांबवण्यात आली आहे. अपघातानंतरचा व्हिडिओ सोशल मीडियावर व्हायरल झाला आहे. घटनास्थळी पोहोचलेल्या डॉक्टरांकडून रस्त्यावरच काही जखमींवर प्राथमिक उपचार सुरु केल्याचं दिसत आहे. तर काही जणांना तातडीने जवळील रुग्णालयात दाखल करण्यात येत आहे.