China Building Fire : चीनमधून (China) एक धक्कादायक बातमी समोर आली आहे. चीनच्या बीजिंग शहरात एका भल्यामोठ्या इमारतीला अचानक आग (Fire) लागली आहे. या आगीत इमारतीचे जवळपास सर्वच मजले भक्ष्यस्थानी पडले. आग लागल्याची माहिती मिळताच चीनी अग्निशमन दलाने घटनास्थळी धाव घेतली. सध्या आगीवर नियंत्रण मिळवण्याचं काम सुरू आहे. (China Building Fire Video)

या थरारक घटनेचा व्हिडीओ सुद्धा समोर आला आहे. व्हिडीओमध्ये तुम्ही पाहू शकता, इमारतीच्या पहिल्या मजल्यापासून ते शेवटच्या मजल्यापर्यंत आगीचे डोंब उठत आहेत. या आगीमुळं आकाशात उंच दाट धुराचं साम्राज्य पसरलं आहे. ही इमारत जवळपास २०० मीटर अर्थात ६५६ फूट उंचीची आहे.

रॉयटर्सने दिलेल्या वृत्तानुसार, आगीच्या भक्ष्यस्थानी सापलेली ही इमारत चीनमधील टेलिकॉम कंपनीची आहे. या आगीत इमारतीचे जवळपास सर्वच मजले भक्ष्यस्थानी पडले आहेत. दरम्यान, आग विझवण्यासाठी शर्थीचे प्रयत्न सुरु आहेत. आगीत जीवितहानी झाली की नाही? याबाबत अद्याप कुठलीही माहिती समोर आलेली नाही.

Edited By - Satish Daud