नवी दिल्ली - घरगुती एलपीजी सिलिंडरच्या (LPG Cylinder) किंमती पुन्हा एकदा वाढ करण्यात आली आहेत. घरगुती एलपीजी सिलिंडरच्या किंमतीत 50 रुपयांनी वाढ करण्यात आली आहे. हे नवीन दर आजपासून लागू करण्यात येणार आहे. त्यामुळे आता दिल्लीत घरगुती एलपीजी सिलिंडर 1053 रुपयांना मिळणार आहे. यासोबतच 5 किलोच्या घरगुती सिलिंडरच्या दरातही 18 रुपयांची वाढ करण्यात आली आहे.

दुसरीकडे 19 किलोच्या व्यावसायिक सिलिंडरच्या दरात कपात करण्यात आली आहे. त्याची किंमत प्रति सिलेंडर 8.50 रुपयांनी कमी झाली आहे. त्यामुळे व्यावसायिकांना काहीसा दिलास मिळाला आहे.

काही दिवसांपूर्वी व्यावसायिक सिलिंडरच्या किंमती 198 रुपयांनी कमी झाल्यामुळे व्यावसायिकांना मोठा दिलासा मिळाला होता. त्यानंतर आज पुन्हा 8.50 रुपयांनी कपात करण्यात आली आहे. नव्या दरांच्या घोषणेनंतर आता राजधानी दिल्लीमध्ये 19 किलोच्या व्यावसायिक सिलिंडरची किंमत 2,012 रुपये मोजावे लागणार आहे. त्यापूर्वी दिल्लीत 19 किलोच्या व्यावसायिक सिलिंडरची किंमत 2021 रुपयांवर गेली होती.

तुमच्या शहरातील घरगुती सिलिंडरचे दर जाणून घ्या

दिल्ली: 1053

मुंबई: 1053

कोलकाता: 1079

चेन्नई: 1069

लखनऊ: 1091

जयपुर: 1057

पटना: 1143

इंदौर: 1081

अहमदाबाद: 1060

पुणे: 1056

गोरखपुर: 1062

भोपाल: 1059

आगरा: 1066