First ac coach interior saam tv
देश विदेश

Vande bharat sleeper train: मुंबई-बंगळुरू वंदे भारत स्लीपरचा लूक आला समोर, व्हिडीओ पाहून म्हणाल ट्रेन की फाईव्ह स्टार हॉटेल

First ac coach interior: वंदे भारत स्लीपर ट्रेनचा फर्स्ट एसी कोच अत्याधुनिक आणि लक्झरी सुविधांनी सज्ज आहे. मुंबई–बेंगळुरू मार्गावर हा ट्रेन प्रवास अधिक आरामदायक, सुरक्षित आणि वेगवान बनवण्याचा उद्देश भारतीय रेल्वेने ठेवला आहे.

Surabhi Jayashree Jagdish

रेल्वे प्रवास म्हटलं की, आजही आपल्या डोळ्यासमोर साध्या बर्थ, गोंधळ आणि बेसिक सुविधा येतात. पण आता हे चित्र बदलताना दिसतंय. मुंबई–बेंगळुरू मार्गावर धावणाऱ्या वंदे भारत स्लीपर ट्रेनच्या First AC कोचचं इनसाईड फोटो आणि व्हिडिओ समोर आल्यानंतर लोक फार प्रभावित झालेत. अनेकांनी तर याला चाकांवरचं आलिशान हॉटेल, असं नाव दिलं आहे.

First AC कोचचा आकर्षक लूक

भारतीय रेल्वेच्या या नव्या प्रोजेक्टचा व्हिडिओ YouTube वर शेअर करण्यात आलाय. त्यामध्ये First AC कोचची झलक तुम्ही पाहू शकता. या कोचमध्ये खासगी कॅबिन्स तयार करण्यात आले आहेत जे प्रवाशांना जास्त आराम आणि प्रायव्हसी देण्यासाठी डिझाइन केले आहेत.

आतलं डिझाइन अगदी स्वच्छ, नीटनेटके आणि आधुनिक पद्धतीचं आहे. लाईटिंग अधिक चांगली ठेवण्यात आली असून संपूर्ण इंटिरिअरला प्रीमियम फिनिश दिलंय. जागेचा स्मार्ट वापर करून कोच अधिक मोकळा आणि आरामदायक वाटेल असा बनवण्यात आला आहे. हे पाहून अनेक प्रवाशांनी याची तुलना लहान पण लक्झरी हॉटेल रूमशी केली आहे. साधारण ट्रेनच्या कोचपेक्षा हा अनुभव खूप वेगळा आणि आधुनिक वाटतो.

लांब पल्ल्याच्या प्रवासासाठी खास तयारी

आतापर्यंत वंदे भारत ट्रेन प्रामुख्याने बसण्याच्या सीट्स असलेल्या चेअर कार स्वरूपात होती आणि ती कमी अंतराच्या प्रवासासाठी वापरली जात होती. मात्र ही नवीन स्लीपर आवृत्ती लांब पल्ल्याच्या प्रवासासाठी खास तयार केली जात आहे.

मुंबई आणि बेंगळुरू या दोन मोठ्या शहरांमध्ये व्यवसाय, नोकरी आणि पर्यटनासाठी सतत प्रवास सुरू असतो. त्यामुळे रात्रीचा प्रवास अधिक आरामदायक आणि जलद करण्यासाठी ही ट्रेन महत्त्वाची ठरणार आहे.

प्रवाशांसाठी आधुनिक आणि सुरक्षित सुविधा

या नवीन वंदे भारत स्लीपरमध्ये फक्त आरामदायक बर्थच नाहीत तर अनेक आधुनिक सुविधा देखील दिल्या जाणार आहेत. यामध्ये सुधारित टॉयलेट्स, उत्तम लाईटिंग, डिजिटल माहिती स्क्रीन आणि सुरक्षिततेसाठी CCTV कॅमेऱ्यांचा समावेश असेल. या सर्व सुविधांमुळे प्रवास अधिक सुरक्षित, स्वच्छ आणि आरामदायक होईल अशी अपेक्षा आहे. भारतीय रेल्वेचा हा मोठा बदल प्रवाशांचा लांब पल्ल्याचा प्रवासाचा अनुभव पूर्णपणे बदलू शकतो.

मुंबई–बेंगळुरू मार्गावर मोठी उत्सुकता

मुंबई आणि बेंगळुरू हे देशातील दोन महत्त्वाची आर्थिक केंद्र आहेत. त्यामुळे या मार्गावर प्रवाशांची नेहमीच मोठी गर्दी असते. अशा परिस्थितीत वंदे भारत स्लीपर ट्रेन एक वेगवान आणि आरामदायक पर्याय ठरू शकते.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Ratnagiri News : कोकणात मोठी दुर्घटना! गणपतीपुळे समुद्रात संभाजीनगरचे ८ जण बुडाले

Maharashtra News Live Update: परभणी शहरातील विविध भागात ATS पथकांची धाड

सोलापूर हादरले! प्रपोज नाकारल्याचा राग, महिलेच्या लग्नानंतर अवघ्या २ महिन्यांत पतीचा खून, कोयत्याने सपासप वार

Gold Rate Today : सोने खरेदी करणाऱ्यांसाठी महत्त्वाची बातमी! 24K, 22K, 18K सोन्याचे दर वाढले, पाहा आजचे भाव

Diabetes Recipe : मधुमेहाच्या रुग्णांनी 'ही' चटपटीत चटणी एकदा खाऊन तर पाहा, चवीला भारी अन् आरोग्याला फायदेशीर

SCROLL FOR NEXT