KolkataCrime News : प्रेम कधी कोणावर होईल सांगता येत नाही. प्रेमाला जात-पात तसेच वयाचं बंधन नसतं. प्रेमासाठी लोकं वाटेल ते करतात. पण प्रेमात जर फसवणूक झाली तर त्याचे भयंकर परिणाम देखील पाहायला मिळतात. असाच काहीसा एक प्रकार दक्षिण कोलकत्ता (Kolkata) येथून समोर आलाय. येथील एका प्रेमाच्या लढाईनं सगळ्यांनाच हादरवून टाकलं आहे. (Breaking Marathi News)

खरंतर प्रेमात आणि लढाईत सगळं माफ असतं असं म्हणतात. मात्र, एका त्रिकोणी प्रेम संबंधात अशा काही (Viral News) गोष्टी घडल्या आहेत. ज्या कायद्याच्या नजेरत कधीही माफ केल्या जाऊ शकत नाही. दक्षिण कोलकत्ता येथील हरिदेवपूर येथे एका तरुणाचा मृतदेह बेवारसस्थितीत आढळून आला होता. या हत्येचं गुढ उलगडण्यात पोलिसांना यश आलंय.

नेमकं काय घडलं?

अयान असं मृत्युमुखी पडलेल्या तरुणाचं नाव आहे. पोलिस सूत्रांनी दिेल्या माहितीनुसार, अयानची गेल्या ५ वर्षांपासून एका तरुणीसोबत ओळख होती. याची कल्पना तरुणीच्या आईलाही होती. त्यामुळे अयानचे तरुणीच्या घरी येणे जाणे सुरू होते. एकेदिवशी अयान हा संबधित तरुणीच्या घरी गेला आणि परतलाच नाही. (Tajya Batmya)

अयानच्या कुटुंबीयांनी आरोप केला आहे की संबधित तरुणीच्या आईचेही अयानसोबत अनैतिक संबंध होते. अयान जस जसा या मुलीच्या घरी येत राहिला त्याची ओळख या मुलीच्या आईशी देखील झाली. ज्यानंतर आई-मुलगी दोघेही प्रेमावरुन भांडायचे असं देखील म्हटलं जात आहे.

अयानच्या वडिलांनी दावा केला, की दशमीच्या रात्री तो तरुणीला भेटायला तिच्या घरी गेला होता. त्यावेळी सुद्धा अयानवरून तरुणी आणि तिच्या आईमध्ये भांडण झालं. याच भांडणातून दोघींनी त्याची हत्या केली असावी असा संशय आहे. दरम्यान, अयानच्या वडिलांच्या तक्रारीनंतर पोलिसांनी गुन्हा दाखल केला असून या प्रकरणाचा तपास सुरू केलाय.

Edited By - Satish Daud