Karnataka News: कर्नाटकात विधानसभा निवडणुकीचं बिगुल वाजलं आहे. कर्नाटक विधानसभा निवडणुका एकाच टप्प्यात होणार आहेत. राज्यातील 224 सदस्यीय विधानसभेसाठी 10 मे रोजी मतदान होणार असून 13 मे रोजी मतमोजणी होणार आहे.

अनेक पक्षांना निवडणुकीच्या दृष्टीने आपली तयारी सुरु केली आहे. पक्षांनी आपपल्या उमेदवारांच्या याद्याही जाहीर केल्या आहे. त्यामुळे उमेदवारांची अर्ज भरण्यासाठीही लगबग सुरु झाली आहे. यादगिरी विधानसभा मतदारसंघातील अपक्ष उमेदवार यंकप्पा यांनीही उमेदवारी अर्ज दाखल केला. (Political News)

निवडणूक आयोगाकडे डिपॉझिट भरण्यासाठी यंकप्पा यांनी नागरिकांकडून देणगी गोळा केली. गोळा केलेली दहा हजारांची रक्कम घेऊन ते आपला उमेदवारी अर्ज भरण्यासाठी पोहोचले. प्रत्येकी एक रुपयाची नाणी अशी 10,000 रुपयांची डिपॉझिट रक्कम जमा केली. (Latest Marathi News)

यकंप्पा यांनी जमा केलेली डिपॉझिट रक्कम मोजण्यासाठी यादगिरी कार्यालयातील अधिकाऱ्यांना जवळपास दोन तास लागले. यकंप्पा यांनी गळ्यात बॅनल घालत उमेदवारी अर्ज दाखल करण्यासाठी तहसीलदार कार्यालय गाठलं. या बॅनरवर समाजसुधारक बसवेश्वर, कर्नाटकातील संत-कवी कनकदास, स्वामी विवेकानंद, डॉ.बाबासाहेब आंबेडकर यांचे फोटो आणि राज्यघटनेची प्रस्तावना होती.

यावर असं लिहिलं होतं की, फक्त एक रुपया नाही, तुमचे एक मत द्या. तुम्ही मला मत द्या, मी तुम्हाला गरिबीतून मुक्त करीन. उमेदवार यंकप्पा हे कलबुर्गी जिल्ह्यातील गुलबर्गा विद्यापीठातून कला पदवीधर आहेत. त्यांच्याकडे एकूण 60,000 रुपयांची संपत्ती आहे.