कानपूरमध्ये खळबळजनक घटना घडली आहे. तरुणाने लिव्ह-इन पार्टनरची हत्या केल्याची घटना घडली आहे. तरुणाच्या आयुष्यात दुसरी तरुणी आल्यानंतर खळबळजनक पाऊल उचलल्याचं समोर आलं आहे. गर्लफ्रेंडची हत्या केल्यानंतर तिचा मृतदेह सुटकेसमध्ये भरून नदीत फेकला. मृत तरुणीच्या आईने पोलिसांत तक्रार दिल्यानंतर पोलिसांनी या प्रकरणाचा पर्दाफाश केला. या प्रकरणी पोलिसांनी हत्या करणारा बॉयफ्रेंड आणि त्याच्या मित्राला अटक केली. दोघांना रविवारी कोर्टात हजर केल्यानंतर तुरुंगात पाठण्यात येणार आहे.

पोलीस अधिकारी दीपेंद्र नाथ चौधरी यांनी सांगितलं की, 'कानपूर देहात रुराच्या सुजनीपूर गावातील विजयश्री यांनी ८ ऑगस्ट रोजी हनुमंत विहार पोलीस स्टेशनमध्ये मुलगी आकांक्षा हरवल्याची तक्रार दिली. आकांक्षा रेस्टोरेंटमध्ये काम करत असताना शिक्षणही घेत होती. आकांक्षाची सोशल मीडियावर एका तरुणासोबत मैत्री झाली. दोघांच्या मैत्रीचं रुपांतर प्रेमसंबंधात झालं. दोघेही रेस्टरेंटमध्ये काम करत होते. त्यानंतर दोघे लिव्ह इन रिलेशनशिपमध्ये राहू लागले.

आकांक्षाची आई विजयक्षी यांनी सांगितलं की, दोन महिन्यापूर्वी आरोपीच्या बोलण्यावरून रेस्टोरंटमधील काम सोडून हमीरपूर रोडवरील एक रेस्टोरंटमध्ये नोकरी सुरु केली होती. पुढे आकांक्षा तिच्या मोठ्या बहिणीपासून वेगळी झाली. त्यानंतर दोघे हनुमंत विहार येथील भाड्याच्या घरात राहू लागले. काही दिवसांनी आकांक्षा बेपत्ता झाली. मुलगी आकांक्षा बेपत्ता झाल्यानंतर आईने पोलिसांत तक्रार दिली. हे प्रकरण पोलीस आयुक्तांकडे पोहोचल्यानंतर तपासाचा वेग वाढला.

काही दिवसांनी पोलिसांनी मुख्य आरोपीला अटक केली. त्याने आकांक्षाची हत्या केल्याचं कबुल केलं. त्याचे अनेक मुलीसोबत प्रेमसंबंध होते. आकांक्षा आणि त्याचे व्हॉट्सअॅप चॅट देखील सापडले आहेत. रेस्टोरेंटमध्ये दोघांमध्ये भांडण झालं. त्यानंतर घरात गेल्यानंतरही दोघांमध्ये रात्री कडाक्याचं भांडण झालं. त्यानंतर आरोपीने घरात आकांक्षाची गळा दाबून हत्या केली. आकांक्षाची हत्या केल्यानंतर मित्राला घरी बोलावलं. त्यानंतर आकांक्षाचा मृतदेह सुटकेसमधून दुचाकीने नदीजवळ नेला. त्याने आकांक्षाचा मृतदेह नदीत फेकून दिला.