जम्मू आणि काश्मीरच्या पूंछ जिल्ह्यातून अत्यंत दु:खदायक घटना समोर येत आहे. एका स्थानिक क्रिकेटपटूचा रस्ते अपघातात दुर्दैवी मृत्यू झाला आहे. रस्त्यावर एका व्यक्तीने अचानक कारचा दरवाजा उघडल्याने दुचाकीस्वार क्रिकेटपटूची धडक बसल्याने हा अपघात झाला. दरम्यान क्रिकेटपटू रस्त्यातच जमिनीवर पडला आणि गंभीर जखमी झाला. यात त्याचा मृत्यू झाला असल्याची माहिती मिळाली आहे. या घटनेने सर्वानाच धक्का बसला असून परिसरात हळहळ व्यक्त केली जात आहे. ही संपूर्ण घटना तेथील सीसीटीव्ही कॅमेऱ्यात कैद झाली.

रस्ते अपघातात मृत्यू झालेल्या क्रिकेटरचे नाव फरीद हुसेन आहे. फरीद हुसेन हा दुचाकीवरून जात होता. याचवेळी एका कारमधून व्यक्ती बाहेर पडणार तेवढ्यातच त्याची धडक फरीदला बसली अन् फरीद रस्त्यावर खाली पडला. सीसीटीव्हीच्या माहितीनुसार, वर्दळीच्या रस्त्यावर एका सामान्य व्यक्तीने त्याची कार थांबवली होती तो कारमधून उतरणार तेवढ्यात दुचाकीवरून क्रिकेटर फरीद हुसेन जात होता. याच दरम्यान रस्त्यावर उभ्या असलेल्या कारचा दरवाजा उघडला असा फरीदला जबर धक्का बसला तो कारच्या दरवाजाला धडकला अन् जमिनीवर पडला. दरम्यान तेथील लोक त्याच्या मदतीसाठी धावले पण फरीदचा जागीच मृत्यू झाला.

रस्त्यावर वाहन चालवण्याचे नियम न पाळल्याने असे अपघात होतात. व्यक्तीने जर योग्य खबरदारी घेत दरवाजा उघडला असता तर हे संकट टळले असते. फरीदच्या अचानक झालेल्या मृत्यूने सर्वानाच धक्का बसला आहे.