Delhi Double Decker Bus Accident News : दिल्लीत आज पहाटेच्या सुमारास ३० प्रवाशांना घेऊन जाणारी स्लीपर बस उलटल्याने भीषण अपघात झाला आहे. या दुर्घटनेत बसचा चक्काचूर होऊन २ प्रवाशांचा जागीच मृत्यू झाला, तर इतर प्रवाशी गंभीर जखमी झाले आहेत. जखमींना उपचारासाठी रुग्णालयात पाठवण्यात आले आहे. या घटनेनंतर मृतांच्या कुटुंबियांवर दुःखाचा डोंगर कोसळला आहे.

मिळालेल्या माहितीनुसार, सदर अपघात मध्य दिल्लीतील करोल बाग परिसरातील झंडेवाला मंदिरा जवळ घडला आहे. अपघातग्रस्त बस जयपुरवरून दिल्लीला जात होती. मंगळवारी मध्यरात्री १ वाजता ३० प्रवाशांना घेऊन जाणाऱ्या या बसच नियंत्रण सुटून दुर्घटना घडली. रात्री उशिरा बस उलटल्याचा फोन अग्निशमन दलाला आला. माहिती मिळताच, दिल्ली पोलीस आणि अग्निशमन दलाची पथके तात्काळ घटनास्थळी दाखल झाली. मदत आणि बचाव कार्य सुरू करण्यात आले.

या दुर्घटनेत दोघांचा जागीच मृत्यू झाला, तर इतर प्रवासी गंभीर जखमी झाले आहेत. जखमी प्रवाशांना जवळच्या रुग्णालयात उपचारासाठी पाठवण्यात आले आहे. तसेच अपघातग्रस्त बसचा चक्काचूर झाला आहे. या घटनेमुळे प्रवाशांमध्ये काही काळ भीतीचे वातावरण निर्माण झाले होते. या घटनेत मृत झालेल्या प्रवाशांच्या कुटुंबियांवर दुःखाचा डोंगर कोसळला आहे.