ISRO Satellites Launched : भारतीय अंतराळ संशोधन संस्था (ISRO) ने शनिवारी रात्री 12:07 च्या सुमारास आपल्या सर्वात वजनदार रॉकेटमध्ये 36 ब्रॉडबँड कम्युनिकेशन उपग्रहांचे पहिले व्यावसायिक प्रक्षेपण केले.आंध्र प्रदेशातील (Andhra Pradesh) श्रीहरिकोटा येथील सतीश धवन अंतराळ केंद्रातून त्यांचे प्रक्षेपण करण्यात आले. या प्रक्षेपणासह, इस्रोने भारतीयांना दिवाळीची मोठी भेट दिली आहे. कारण LVM3 M2/OneWeb India1 हे मिशन यशस्वी झाले आहे.

सुमारे 43.5 मीटर लांब रॉकेटचे हे प्रक्षेपण असल्याचे इस्रोचे अध्यक्ष म्हणाले. 8,000 किलोपर्यंतचे उपग्रह वाहून नेण्याची क्षमता असलेला हा सर्वात वजनदार उपग्रह म्हणून ओळखला जातो. पुढील वर्षाच्या पहिल्या सहा महिन्यात LVM3 द्वारे 36 OneWeb उपग्रहांचा आणखी एक सेट प्रक्षेपित केला जाईल, असेही ते म्हणाले. 

बाहुबली रॉकेट का पाठवले होते?

हे तीन-स्टेज रॉकेट आहे, ज्यामध्ये दोन सॉलिड मोटर स्टेप्स ऑन आणि एक प्रोपोलेंट स्टेज आहे. मध्यभागी एक क्रायोजेनिक स्टेज आहे. या वजनी रूपामुळे त्याला इस्रोचा बाहुबली असेही म्हणतात. ISRO साठी हे प्रक्षेपण खूप महत्त्वपूर्ण होते. कारण LVM3-M2 मिशन हे ISRO ची व्यावसायिक शाखा असलेल्या NewSpace India Limited साठी पहिले समर्पित व्यावसायिक मिशन होते.

अशा प्रकारचे पहिले भारतीय रॉकेट

न्यूस्पेस इंडिया लिमिटेड आणि यूके-आधारित नेटवर्क ऍक्सेस असोसिएट्स लिमिटेड (वनवेब लिमिटेड) यांच्यातील व्यावसायिक व्यवस्थेचा एक भाग म्हणून हे अभियान राबवले जात आहे. भारती एंटरप्रायझेस ही OneWeb मधील प्रमुख गुंतवणूकदार आहे. भारताने आतापर्यंत 300 हून अधिक व्यावसायिक प्रक्षेपण केले आहेत. आतापर्यंत पीएसएलव्हीच्या माध्यमातून व्यावसायिक प्रक्षेपण पूर्ण झाले होते, आता या बाहुबलीच्या व्यावसायिक बाजारपेठेत प्रवेश केल्याने, इस्रो आणि एनएसआयएलसाठी नवीन व्यासपीठ उघडणार आहे.

Edited By - Shivani Tichkule