डोनाल्ड ट्रम्प यांनी जगाला चकित करत इराणविरुद्ध पाच दिवसांच्या शस्त्रसंधीची घोषणा केली. त्यामुळे इराण- अमेरिका संघर्ष थांबणार असल्याचे संकेत मिळत असताना ही चर्चा खुद्द ट्रम्प यांनी औटघटकेची ठरवली आणि काही तासातच घुमजाव करत इराणला थेट इशारा दिला.

'जर दोन्ही देशांमधील चर्चा निष्फळ ठरली, तर इराणवर पुन्हा बॉम्बफेक करू.. इतकचं काय तर इराणमध्ये सत्तांतर होईल, व्हेनेझुएलाप्रमाणे इराणमध्येही एक नेता शोधला जाईल..आम्ही अशा व्यक्तीशी बोलत आहोत, ज्याला मी सर्वात आदरणीय आणि खरा नेता मानतो. ते इराणमधील सर्वोच्च नेते नाहीत. त्यांच्याबद्दल कोणीही काहीही ऐकलेले नाही.' अशी धमकी ट्रम्प यांनी इराणला दिलीय.

दुसरीकडे युद्ध थांबवण्यासाठी इराणनं अमेरिकेपुढे ज्या दोन अटी ठेवल्या होत्या त्या अटी ट्रम्प प्रशासनाने फेटाळून लावल्या.

पहिली अट होती, अमेरिकेने इराणला युद्धाची नुकसान भरपाई द्यावी.

तर दुसरी अट होती, अमेरिकेनेच पहिल्यांदा इराणवर हल्ला केल्याचं कबूल करावं. मात्र या दोन्ही अटी अमेरिकेनं अमान्य केल्यानं इराण युद्ध सुरुच ठेवणार आहे... त्यामुळे इराण अमेरिका संघर्ष आता कोणत्या वळणावर पोहचतो आणि ट्रम्प यांचा हाताशी असणारा इराणमधील तो नेता कोण? याकडे संपूर्ण जगाचं लक्ष लागलयं.