अमेरिकेनं केलेल्या खामेनींच्या हत्येमुळे संतप्त झालेल्या इऱाणनं इस्रायलसह आता मध्य-पूर्वेतील देशांवर हल्ले सुरु केलेत...इराणनं आतापर्यंत अमेरिकेची मदत करणाऱ्या 9 देशांवर क्षेपणास्त्र आणि ड्रोनचा मारा केलाय..त्यात इराणने युएईवर तब्बल 137 क्षेपणास्त्रे आणि 2029 ड्रोन हल्ले केल्याची धक्कादायक माहिती समोर आलीय...खामेनींच्या मृत्यूचा बदला घेण्यासाठी इराणनं कोणत्या देशांवर हल्ला केलाय...

इराणनं युएईतील दुबई शहराला लक्ष्य करत लक्झरी हॉटेल बुर्ज अल अरबवर हल्ला केला...सौदी अरेबियातील रियाद, कतारमधील दोहा, कुवैतमधील कुवैत सिटी या ठिकाणीही इराणने हल्ला केला... त्यासोबत जॉर्डनमधील मुवाफ्फाक सल्ती एअर बेस आणि बहरीनमधील मनामा या ठिकाणी इराणनं क्षेपणास्त्र डागली... इस्रायल याच्या तेल अवीवमध्ये तर इराकमधील बगदाद आणि सीरियातील स्वेदामध्येही इराणनं हल्ला केलाय...

दरम्यान इराणी हल्ल्यांमुळे मध्य पूर्वेतील विमान सेवा थांबण्यात आलीय...दुंबईत अनेक भारतीय प्रवासीही अडकलेत...मात्र इराणनं खामेनींच्या हत्येनंतर या 9 देशांवर हल्ला का चढवला? पाहूयात...

इराणचा शेजारील देशांवर हल्ला का?

इराणवर हल्ला करण्यासाठी अमेरिका शेजारील राष्ट्रांचा वापर करत आहे. त्यामुळे या राष्ट्रांमधल्या अमेरिकेच्या लष्करी तळांवर इराणनं प्रतिहल्ले सुरू केले आहेत. तर अमेरिकेनं दुबईत 2015 ते 2024 दरम्यान अंदाजे 21.7 अब्ज अमेरिकन डॉलर्स गुंतवणुक केलीय.. त्यामुळे इराणनं युएई आणि सौदी अरेबियासारख्या श्रीमंत शेजारी देशांना आर्थिक नुकसान पोहोचवण्याची योजना आखत हल्ला केलाय.. दुबईतील पर्यंटन स्थळावरील हल्ल्यामुळे पर्य़टन क्षेत्रावर गदा आणण्याचा इराणचा प्रयत्न...

आंतरराष्ट्रीय स्तरावर इराणवर कडक आर्थिक निर्बंध लादण्यासाठी या दोन्ही देशांकडून दबावाचं राजकारण होण्याची शक्यता आहे...त्यामुळे खामेनीच्या मृत्यूचा बदला घेताना इराणची आर्थिक कोंडी होण्याचीही शक्यता आहे... महायुद्धाच्या उंबरठ्यावर उभ्या असलेल्या या संघर्षात भविष्यात नेमकं काय घडतं? हे पाहणं महत्त्वाचं आहे...