रोहित कदम, साम प्रतिनिधी

इराणला नमवणं अमेरिकेच्या हाताबाहेर जाऊ लागलं असतानाच आशियाई राजकारणात मोठ्या हालचाली सुरू झाल्या आहेत. इराणने युध्द थांबवण्यासाठी अमेरिकेला घातलेल्या अटींनंतर आता पाकिस्तानात महत्त्वाची बैठक पार पडलीये. इराणनं पाकिस्तानच्या माध्यमातून अमेरिकेसोबत चर्चा करण्यास सशर्त सहमती दर्शवलीये. सशर्त सहमती दर्शवणाऱ्या इराणनं अमेरिकेसमोर कोणत्या अटी समोर ठेवल्यात पाहूयात.

एका रिपोर्टनुसार, अमेरिकेसोबतच्या कोणत्याही मध्यस्थी प्रक्रियेत सहभागी होण्यासाठी इराणने पाच प्रमुख अटी ठेवल्या आहेत.

एक प्रमुख मागणी अशी आहे की, इराणवरील हल्ले तात्काळ थांबवावेत.

अमेरिका व इस्रायल भविष्यात आपल्याविरुद्ध कोणतीही लष्करी कारवाई करणार नाही.

इराणला पाकिस्तान, सौदी अरेबिया, इजिप्त आणि तुर्की या चार देशांकडून हमी पाहिजे.

अमेरिका चिंतांचे निराकरण करण्यासाठी या चार देशांनी सक्रिय भूमिका बजावावी.

अमेरिकेने मध्य-पूर्वेत आपली लष्करी तैनाती आणखी वाढवली असताना शांतता चर्चेच्या प्रयत्नांनी जोर धरलाय. एकीकडे, इराणमध्ये जमिनीवरील कारवाई करण्याच्या चर्चेला वेग आलाय. तर दुसरीकडे, इराण-अमेरिका युद्धविरामासाठी पश्चिम आशियात जोरदार प्रयत्न सुरू झालेत. अशातच आता इराणच्या मुख्य चिंतांचे निराकरण करण्याची हमी मिळवण्यात यश आले, तर युध्दाच्या ढगांआडून जगाला शांततेचा नवा किरण दिसण्याची शक्यता आहे.