• दिल्ली पोलिस दलात मोठा प्रशासकीय फेरबदल

• दिल्लीमध्ये ३ आयपीएस अधिकाऱ्यांच्या तडकाफडकी बदल्या

• वर्षा शर्मा यांची नायब राज्यपालांच्या विशेष कार्य अधिकारीपदी नियुक्ती

• चिन्मय बिस्वाल यांची सहआयुक्तपदी नियुक्ती

• शिवेंद्रकांत तिवारी यांची अतिरिक्त पोलिस आयुक्तपदी नियुक्ती

देशाची राजधानी दिल्लीमध्ये मोठा प्रशासकिय फेरबदल करण्यात आला आहे. दिल्लीचे नायब राज्यपाल तरनजीत सिंग संधू यांनी तीन आयपीएस अधिकाऱ्यांच्या तडकाफडकी बदल्या केल्या. नायब राज्यपाल यांनी पोलिस आस्थापना मंडळाच्या शिफारसीनुसार या अधिकाऱ्यांच्या बदल्या आणि पदस्थापना करण्याचे आदेश दिले. या आयपीएस अधिकाऱ्यांच्या बदल्या नेमक्या कुठे करण्यात आल्या आहेत ते आपण जाणून घेणार आहोत...

आयपीएस अधिकारी वर्षा शर्मा यांची नायब राज्यपालांच्या विशेष कार्य अधिकारी म्हणून नियुक्ती करण्यात आली आहे. आयपीएस अधिकारी चिन्मय बिस्वाल यांची सहआयुक्त म्हणून नियुक्ती करण्यात आली आहे. आयपीएस अधिकारी शिवेंद्रकांत तिवारी यांची अतिरिक्त पोलिस आयुक्त म्हणून नियुक्ती करण्यात आली. या आयपीएस अधिकाऱ्यांच्या तडकाफडकी बदल्या करण्यात आल्यामुळे प्रशासकीय वर्तुळात खळबळ उडाली.

आयपीएस अधिकारी वर्षा शर्मा या २०१० च्या बॅचच्या आयपीएस अधिकारी आहेत. याआधी त्यांनी अतिरिक्त पोलिस आयुक्त- आपत्कालीन गुन्हे शाखा म्हणून काम केले आहे. आयपीएस अधिकारी चिन्मय बिस्वाल हे २००८ च्या बॅचचे आयपीएस अधिकारी आहेत. तर आयपीएस अधिकारी शिवेंद्रकांत हे २००९ च्या बॅचचे आयपीएस अधिकारी आहेत. याआधी ते नायब राज्यपालांचे विशेष कार्य अधिकारी होते.

दरम्यान, याआधी १८ ऑगस्ट रोजी दिल्ली पोलिस दलात मोठा फेरबदल करण्यात आला होता. नायब राज्यपालांच्या आदेशानंतर ४१ आयपीएस अधिकाऱ्यांच्या आणि २ डॅनिप्स अधिकाऱ्यांच्या तडकाफडकी बदल्या करण्यात आल्या होत्या. या सर्व आयपीएस अधिकाऱ्यांच्या बदलीसंदर्भात यादी देखील समोर आली होती. १८ ऑगस्टनंतर अवघ्या ४ दिवसांत ३ आयपीएस अधिकाऱ्यांच्या बदल्या करण्यात आल्या आहेत.