सध्या पंतप्रधान नरेंद्र मोदी दोन दिवसांच्या रशिया दौऱ्यावर आहेत. यादरम्यान त्यांनी रशियाचे राष्ट्राध्यक्ष व्लादिमीर पुतिन यांची भेट घेतली.

यापूर्वीची मोदींची पुतीन यांच्यासोबत भेट २०१९ मध्ये होती. तेव्हा एका आर्थिक परिषदेत सहभागी झाले होते.

पंतप्रधान नरेंद्र मोदी जवळपास पाच वर्षांनंतर पहिल्यांदाच रशियाला गेलेत. पीएम मोदींचा रशिया दौरा आणि पुतिन यांच्या भेटीमुळे आता अमेरिकेची चिंता वाढली आहे.

पीएम मोदी यांची पुतिन यांच्याशी अनौपचारिक भेट झाली. त्यानंतर सोमवारी अमेरिकेने एक निवेदन दिले होते. फेब्रुवारी २०२२ मध्ये मॉस्कोने युक्रेनवर आक्रमण केले होते.

यापूर्वी भारताने रशिया-युक्रेन युद्धावर भूमिका स्पष्ट केली होती. मॉस्कोने युक्रेनवर केलेल्या हल्ल्याच्या पार्श्वभूमीवर अमेरिकेने भारतासोबतच्या रशियाच्या संबंधांबद्दल चिंता व्यक्त केली.

पंतप्रधान मोदी आणि राष्ट्राध्यक्ष पुतिन यांच्यात आज अधिकृत चर्चा झालीय. युक्रेन युद्धासाठी रशियन सैन्यात समाविष्ट केलेले भारतीय आता सुखरूप परतणार असल्याची समोर येत आहे.