सुप्रीम मसकर साम टीव्ही न्यूज

दहशतवाद्यांचा ऑल आऊट खात्मा करण्यासाठी भारतानं नवं मिशन हाती घेतलं आहे. त्या मिशनच्या सुरूवातीला भारताला मोठं यश मिळालंय. त्यामुळे ऑपरेशन सिंदूरनंतरचं सुरु केलेलं ऑपरेशन केलर नेमकं काय आहे? पाहूयात या स्पेशल रिपोर्टमधून...

पहलगाम हल्ल्यानंतर राबवलेल्या ऑपरेशन सिंदूरच्या यशानंतर आता भारतीय लष्करानं ऑपरेशन केलर सुरु केलय. त्यामुळे पाकमधील दहशतवाद्यांचा भीतीनं थराकाप उडालाय. भारतीय लष्कर दहशतवाद्यांना शोधून शोधून ठेचतयं. अशातच जम्मू काश्मीरच्या शोपियानमध्ये लष्कर-ए-तोयबाच्या 3 दहशतवाद्यांचा खात्मा करण्यात आलाय.

शाहिद अहमद कुट्टेय -

लष्कर-ए-तोयबाचा ऑपरेटर

भाजप सरपंच हत्या प्रकरणात सहभाग

कुलगाममध्ये टेरिटोरियल आर्मीच्या सैनिकाची हत्या

पहलगामचा मास्टरमाईंड हाशिम मुसाचा निकटवर्तीय आहे.

हारिस नसीर -

शोपियानमधील शुकरू जंगलात एनकाऊंटर

हारिस नसीर हा पुलवामामधील रहिवाशी आहे.

लष्कर-ए-तोयबाचा दहशतवादी आहे.

अदनान शफी दार -

लष्कर-ए-तोयबा आणि TRF चा दहशतवादी आहे.

अदनान शफी दार हा शोपियानमधील रहिवाशी आहे.

दरम्यान, जम्मू काश्मीरमधील सुरक्षा दल हाय अलर्टवर आहे. तिथल्या हालचालीवर लक्ष ठेवून दहशतवाद्यांचा नांग्या ठेचण्याची रणनिती लष्करानं आखलीय. त्यामुळे ऑपरेशन केलर दहशतवादाच्या मूळावर शेवटचा घाव घालून दहशतवाद्यांचा ऑल आऊट सफाया करेल, हे निश्चित.