नवी दिल्ली : देशात कोरोनाची तिसरी लाट ओसरत असल्याची स्थिती आहे. आज तब्बल महिन्याभरानंतर नव्या रुग्णांची संख्या ही 1 लाखांहून कमी आढळून आली आहे. त्यामुळे कोरोनाची गती मंदावल्याचं चित्र आहे. गेल्या 48 तासांच्या तुलनेत आज देशात कोरोना विषाणूच्या साथीच्या रुग्णांमध्ये घट झाली आहे (India Corona update virus speed get slow the country reports 83876 new cases in the last 24 hours).

भारतात गेल्या 24 तासात कोरोनाचे (Corona Cases) 83,876 नवीन रुग्ण आढळले आहेत. तर एक दिवसाआधी रविवारी 1 लाख 7 हजार 474 नवे रुग्ण आढळले होते. देशातील पॉझिटीव्हीटी रेट (Positivity Rate) 7.25% आहे.

भारतात (India) गेल्या 24 तासात कोरोनातून सुमारे दोन लाख लोक बरे झाले. त्याचप्रमाणे देशात गेल्या 24 तासांत कोरोनामुळे 895 जणांचा मृत्यू झाला आहे. देशात कोरोनाचे (Corona Virus) नवीन रुग्ण एक लाखापेक्षा कमी असताना जवळपास महिनाभरानंतर इतके कमी रुग्ण दिसून येत आहेत. दुसरीकडे, एकूण संक्रमित रूग्णांच्या तुलनेत सक्रिय रुग्ण (Active Cases) संख्या केवळ 2.62 टक्के इतकी आहेत.

एकूण सक्रिय प्रकरणे: 11,08,938

एकूण मृतांची संख्या: 5,02,874

169 कोटींहून अधिक लसीकरण

देशातील लसीकरण मोहिमेअंतर्गत आतापर्यंत 169 कोटींहून अधिक अँटी-कोरोनाव्हायरस लसींचे डोस देण्यात आले आहेत. काल 45 लाख 10 हजार 770 डोस देण्यात आले, त्यानंतर आतापर्यंत 169 कोटी 63 लाख 80 हजार 755 डोस लसीचे डोस देण्यात आले आहेत.

Edited By - Nupur Uppal