देशातून दक्षिण-पश्चिम मान्सून परतत असतानाच हवामानात मोठा बदल होण्याची शक्यता आहे. भारतीय हवामान विभागाने (IMD) दिलेल्या महितीनुसार उत्तर पश्चिम विक्षोभाची निर्मिती झाली आहे. त्यामुळे 6 ते 10 ऑक्टोबरदरम्यान जम्मू-काश्मीर, लडाख हिमाचल प्रदेश आणि उत्तराखंडमध्ये पाऊस आणि बर्फवृष्टी होण्याची शक्यता आहे. त्याचवेळी उत्तर-पश्चिम भारतातील मैदानी भागातही काही ठिकाणी हलका पाऊस पडण्याचा अंदाज आहे.

या हवामानात बदलामुळे तापमानात घट होण्याची शक्यता असून दिल्ली आणि एनसीआरमध्ये हवामान बदलणार असल्याचा अंदाज हवामान व्यक्त केला आहे. देशाच्या विविध भागांमध्ये सध्या एकाचवेळी सहा मौसमी हवामान सक्रिय असल्याने जम्मू काश्मीरपासून दक्षिण भारतातील तमिळनाडू आणि पुडूचेरीपर्यंत पावसाची शक्यता निर्माण झाली आहे.

IMD ने दिलेल्या माहितीनुसार, 6 ते 10 ऑक्टोबरदरम्यान जम्मू-काश्मीर, लडाख, हिमाचल प्रदेश आणि उत्तराखंडमध्ये हलका ते मध्यम पाऊस होऊ शकतो. काही भागांत बर्फवृष्टीसोबत 40 ते 60 किलोमीटर प्रतितास वेगाने वारे वाहण्याची तसेच विजांच्या कडकडाटाची शक्यता आहे. तसेच पंजाब, हरियाणा, चंदीगड, दिल्ली आणि उत्तर प्रदेशात 6 ते 11 ऑक्टोबरदरम्यान तुरळक पाऊस पडण्याचा अंदाज आहे. दरम्यान, दक्षिण भारतातील अनेक राज्यांना मुसळधार पावसाचा इशारा देण्यात आला आहे. 5 ऑक्टोबरला किनारी कर्नाटक आणि दक्षिण अंतर्गत कर्नाटकात अतिवृष्टी होण्याची शक्यता असून काही ठिकाणी 12 ते 20 सेंटीमीटरपर्यंत पाऊस पडू शकतो.

ईशान्य भारतातही पावसाचा जोर

उप-हिमालयीन पश्चिम बंगाल, सिक्कीम, अरुणाचल प्रदेश, आसाम आणि मेघालयमध्येही पावसाची शक्यता आहे. गेल्या 24 तासांत उप-हिमालयीन पश्चिम बंगालमधील सूंगाछी येथे 18 सेंटीमीटर, तर तमिळनाडूतील अलकराई इस्टेट आणि कोथागिरी येथे 12 सेंटीमीटर पावसाची नोंद झाली. आसाम, अरुणाचल प्रदेश, बिहार, केरळ, किनारी कर्नाटक आणि दक्षिण अंतर्गत कर्नाटकातही 7 ते 11 सेंटीमीटरपर्यंत मुसळधार पाऊस नोंदवण्यात आला आहे.

दक्षिण-पश्चिम मान्सूनच्या माघारीची रेषा सध्या बिहारमधील सुपौल, झारखंडमधील रांची, छत्तीसगडमधील रायपूर, ब्रह्मपुरी, परभणी, महाराष्ट्रातील बारामती आणि हरनाई या भागांतून जात आहे.