नवी दिल्ली: दिल्लीचे मुख्यमंत्री अरविंद केजरीवाल (Arvind Kejriwal) यांनी बुधवारी महापालिका निवडणुका (Municipal Corporation of Delhi Elections 2022) पुढे ढकलल्याबद्दल भाजपवर निशाणा साधत एक मोठी घोषणा केली आहे. यावेळी बोलत असताना केजरीवाल म्हणाले की, भारतीय जनता (BJP) पक्षाने या निवडणुका जिंकल्यास आम आदमी पक्ष (AAP) राजकारण सोडेल. केंद्रीय मंत्रिमंडळाने दिल्ली, उत्तर, पूर्व आणि दक्षिण या तिन्ही नागरी संस्थांना पूर्वीप्रमाणे एकत्र आणण्यासाठी एक विधेयक मंजूर केल्यानंतर त्यांनी ही टिप्पणी केली आहे.

"...तर राजकारण सोडून देणार";

केजरीवाल यांनी दिल्ली (Delhi) विधान सभेच्या बाहेर पत्रकारांना सांगितलं की, "जर भाजप MCD निवडणूक वेळेवर घेऊन त्या जिंकून दाखवल्या तर आम्ही हे राजकारण सोडून देऊ."

ते ट्विट करून म्हणाले आहेत की, BJP स्वतःला जगातली सर्वात मोठा पक्ष म्हणवतो. हे कमाल आहे.जगातील सर्वात मोठा पक्ष एका छोट्या आम आदमी पक्षाला घाबरून पळून गेला ? हिम्मत असेल तर, MCD चे निवडणूक वेळेवर दाखवा.

निवडणूक पुढे ढकलणे शहिदांचा अपमान- केजरीवाल

ते पुढे म्हणाले की, निवडणूक पुढे ढकलणे हा शहिदांचा अपमान आहे. केजरीवाल यांनी ट्विट केले की, भाजपचे दिल्लीतील महापालिका निवडणूका पुढे ढकलणे हा त्या शहिदांचा अपमान आहे ज्यांनी इंग्रजांना देशाच्या बाहेर पळवून लावून लोकसत्ता प्रस्थापित करण्यासाठी बलिदान दिले. आज हे पराभवाच्या भीतीने दिल्ली महानगरपालिकेच्या निवडणुका पुढे ढकलत आहेत, उद्या ते राज्यांच्या आणि देशाच्या निवडणुका पुढे ढकलणार आहेत."