Hyderabad Bus Accident News: समृद्धी महामार्गावरील बस अपघातातून नागरिक सावरत नाहीत तोच तेलंगणात अशीच एक भयंकर घटना समोर आली आहे. तेलंगणातील हैदराबाद येथे एका धावत्या बसला भीषण आग लागल्याची धक्कादायक घटना घडलीये. (TSRTC Bus Fire News)

मिळालेल्या अधिक माहितीनुसार, हैदराबादमध्ये (Hyderabad) काल रात्री TSRTC बसला अचानक आग लागली. यावेळी बसमध्ये सुमारे ११ जण प्रवास करत होते. धूर येऊ लागल्याने प्रवाशी लगेच बसमधून खाली उतरले. सुदैवाने या दुर्घटनेत कोणतीही जीवितहानी झालेली नाही.

सदर घटनेची माहिती मिळताच अग्निशमन दल तात्काळ घटनास्थळी दाखल झाले. त्यानंतर अग्निशमन दलाच्या मदतीने आग आटोक्यात आणण्यात आली. बस भेल (हैदराबाद) येथून विजयवाडाकडे जात होती.

एक्सप्रेस ट्रेनच्या तीन डब्ब्यांना आग

तेलंगणात वाहनांना आग लागल्याच्या सलग दोन घटना घडल्या आहेत. बोम्मैपल्ली आणि पागीडिपल्ली दरम्यान फलकनुमा एक्सप्रेसच्या तीन डब्यांना आज आग लागली होती. प्रवाशांनी भरलेल्या तीन्ही डब्ब्यांना आग लागताच एक्सप्रेस थांबवण्यात आली.

एक्सप्रेस ट्रेन थांबवल्यावर सर्व प्रवाशांना येथून सुखरुप उतरवण्यात आलं आहे. या दुर्घटनेत कोणतीही जीवितहानी झालेली नाही. मात्र लागोपाठ तेलंगणात दोन अपघाताच्या घटना घडल्याने नागरकांमध्ये भीतीचं आणि चिंतेचं वातावरण पसरलं आहे.