वृत्तसंस्था: अमेरिकेच्या पेंसिवेनियामध्ये हायवेवरती भीषण अपघात झाला आहे. बर्फ (Ice) आणि वादळामुळे पुढचे काही देखील दिसत नसल्याने एका पाठोपाठ एक अशा ६० गाड्या धडकले आहेत. काही गाड्यांना आग (Fire) देखील लागली आहे. या अपघातामध्ये कमीत- कमी ५ जणांचा मृत्यू झाला तर २४ पेक्षा जास्त लोक जखमी झाले आहेत. अशा प्रकारचे अपघात (Accident) भारत देशामध्ये होत असतात. याकरिता यमुना एक्स्प्रेस वे कुप्रसिद्ध आहे.

पहा व्हिडिओ-

अमेरिकेतील (United States) प्रसारमाध्यमांनुसार हा अपघात स्‍चूयलकिल काउंटी मधील हायवेवर झाला आहे. पोलिसांनुसार (police) या अपघातातील वाहनांची संख्या ४० ते ६० पर्यंत असू शकणार आहे. सोशल मीडियावर (Social media) मोठ्या प्रमाणात शेअर होत असलेल्या या अपघाताच्या व्हिडिओमध्ये (video) बर्फवृष्टीमुळे महामार्गावर फारच कमी दिसत आहे. वाहने एकमेकांवर आदळत असल्याचे दिसत आहे.

अपघातानंतर वाहने तिथेच सोडून लोक पळत असताना दिसून येत आहेत. संपूर्ण रस्ता डोंगरांनी वेढलेला आहे. या दुर्घटनेत मृतांचा शोध आणि बचावकार्य सुरू करण्यात आले आहे. स्‍चूयलकिलमधील ही दुसरी मोठी घटना असल्याचे अधिकाऱ्यांनी सांगितले आहे. या घटनेच्या व्हिडिओमध्ये ट्रॅक्टर- ट्रेलर आणि कार घसरून एकमेकांवर आदळताना दिसून येत आहेत. अपघातामुळे ६ वाहनांना आग लागल्याचे सांगण्यात येत आहे.

Edited By- Digambar Jadhav