JNU University News : दिल्लीतील जवाहरलाल नेहरू विद्यापीठ पुन्हा एकदा चर्चेत आलं आहे. जेएनयूमधील इमारतीच्या भिंतींवर ब्राह्मणविरोधी घोषणा लिहिण्यात आल्याने झालेला वाद ताजा असताना पुन्हा एका नव्या वादाने तोंड फुटलं आहे. जेएनयूमधील इमारतीच्या भिंतींवर 'कम्युनिस्टांनो भारत सोडा...,जिहादींनो भारत सोडा...' या आशयाच्या घोषणा लिहिण्यात आल्या आहेत. या घोषणेमुळे विद्यापीठातील (University) वातावरण तापलं आहे. या घोषणेची जबाबदारी हिंदू रक्षा दलाने घेतली आहे. (Latest Marathi News)

हिंदू रक्षा दलाने जेएनयूमधील इमारतीच्या भिंतींवर कम्युनिस्टांनो भारत सोडा,जिहादींनो भारत सोडा' या घोषणा लिहिल्याने नव्या वादाला तोंड फुटलं आहे. काही दिवसांपूर्वीच जेएनयू विद्यापीठात इमारतीच्या भिंतींवर 'ब्राह्मणांनो, कॅम्पस सोडून जा' अशा आशयाची घोषणा लिहिली होती. त्यामुळे जेएनयू प्रशासनात एकच खळबळ उडाली होती. त्यानंतर जेएनयू (JNU) प्रशसनाने शुक्रवारी घटनास्थळी सीटीटीव्ही कॅमेरा लावण्याचे निर्देश दिले होते. '

ब्राह्मणांनो, कॅम्पस सोडून जा...'; JNU मध्ये भिंतीवर वादग्रस्त घोषणा

विद्यार्थ्यांनी केलेल्या दाव्यानुसार स्कूल ऑफ इंटरनॅशनल स्टडिज्-II भवनच्या भिंतींवर ब्राह्मण आणि बनिया समजाविरोधात घोषणा लिहिल्या गेल्या होत्या. त्यानंतर जेएनयूचे कुलपती शांतिश्रि डी. पंडित यांनी शुक्रवारी विद्यार्थी आणि कर्मचाऱ्यांना सतर्क राहण्याच्या सूचना दिल्या होत्या.

डाव्या विचारसरणीच्या विद्यार्थ्यांचं हे कृत्य असल्याचा आरोप आरएसएस प्रणित अखिल भारतीय विद्यार्थी परिषदेने केला. 'कम्युनिस्ट गुंडांकडून शैक्षणिक ठिकाणांची मोठ्या प्रमाणात गैरवापर होत आहे, असं म्हणत ABVPने याचा निषेध केला. प्राध्यापकांच्या खोलीच्या फोडून त्यांना धमकावलं असल्याचीही माहिती समोर आली आहे.