Haryana Bus Fire Saam TV
देश विदेश

Haryana Bus Fire : देवदर्शनाहून परतताना भाविकांच्या खासगी बसला भीषण आग; ८ जणांचा होरपळून मृत्यू, अनेक जखमी

Haryana Bus Fire News : भाविकांना दर्शनासाठी घेऊन जाणाऱ्या खासगी बसला अचानक आग लागली. या आगीत ८ भाविकांचा होरपळून मृत्यू झाला. तर डझनभर भाविक जखमी झाले.

Satish Daud

हरियाणाच्या नुहमध्ये शुक्रवारी रात्रीच्या सुमारास मोठी दुर्घटना घडली. देवदर्शनाहून परतताना भाविकांच्या खासगी बसला भीषण आग लागली. या आगीत ८ भाविकांचा होरपळून मृत्यू झाला. तर डझनभर भाविक जखमी झाले. जखमींना उपचारासाठी रुग्णालयात दाखल करण्यात आलं आहे. अनेकांची प्रकृती चिंताजनक आहे.

अपघातातील मृत हे पंजाब आणि चंदीगड येथील रहिवासी असल्याचे सांगण्यात येत आहे. याप्रकरणी पोलिसांनी गुन्हा दाखल केला असून घटनेचा तपास सुरू केला आहे. मिळालेल्या माहितीनुसार, अपघातग्रस्त मथुरा आणि वृंदावनला देवदर्शनाला गेली होती.

या बसमधून जवळपास ६० भाविक प्रवास करीत होते. हे सर्वच भाविक एकमेकांचे नातेवाईक होते. दरम्यान, देवदर्शनाहून परतत असताना कुंडली मानेसर पलवल द्रुतगती मार्गावर धावत्या बसला अचानक आग लागली. बघता-बघता संपूर्ण बस आगीच्या विळख्यात सापडली.

जीव वाचवण्यासाठी काही भाविकांनी धावत्या बसमधून बाहेर उड्या घेतल्या. बसला लागलेली आग स्थानिकांनी विझवण्याचा प्रयत्न केला. मात्र, काहींना बाहेर पडता न आल्याने त्यांचा आगीत होरपळून मृत्यू झाला.

दरम्यान, स्थानिकांनी या घटनेची माहिती पोलिसांना दिली. घटनेची माहिती मिळताच अग्निशमन दलाचे जवान आणि पोलीस घटनास्थळी दाखल झाले. अथक प्रयत्नानंतर आग आटोक्यात आली. या घटनेत आतापर्यंत ८ भाविकांचा मृत्यू झाल्याचं वृत्त आहे. जखमींवर रुग्णालयात उपचार सुरू आहेत. आगीचे कारण अस्पष्ट आहे.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Maharashtra Live News Update: नंदुरबारमध्ये हवामान खात्याचा येलो अलर्ट

Bigg Boss 19: 'आम्हा दोघांना चंद्र...'; बिग बॉसच्या घरात तान्या मित्तलने दिली प्रेमाची कबूली; म्हणाली...

Crime: भयंकर! शेतावर गेलेल्या वृद्ध महिलेवर सामूहिक बलात्कार, नंतर दगडाने ठेचून हत्या; भिवंडी हादरले

Dawood Ibrahim : दाऊद इब्राहिमने मुंबईत बॉम्बस्फोट केला नाही, तो दहशतवादी नाही, ममता कुलकर्णीचा धक्कादायक दावा

Mahima Chaudhary Wedding: 52 व्या वर्षी बोहल्यावर चढणार महिमा चौधरी? कोण आहे तिचा नवरा? जाणून घ्या

SCROLL FOR NEXT