Summary -

• हरियाणाचे वरिष्ठ आयपीएस अधिकारी वाय. पूरन कुमार आत्महत्या प्रकरणात मोठी अपडेट

• या प्रकरणी डी १४ अधिकाऱ्यांविरोधात गुन्हा दाखल.

• डीजीपी शत्रुजीत कपूर यांच्यासह वरिष्ठ पोलिस अधिकाऱ्यांविरोधात कारवाई

• ९ पानी सुसाईड नोटमध्ये जातीय भेदभाव आणि मानसिक छळाचे आरोप करण्यात आले

हरियाणाचे वरिष्ठ आयपीएस अधिकारी वाय. पूरन कुमार आत्महत्या प्रकरणात मोठी अपडेट समोर आली आहे. पूरन कुमार यांच्या आत्महत्येच्या दोन दिवसानंतर याप्रकरणात पोलिसांनी मोठी कारवाई करत डीजीपी शत्रुजीत सिंह कपूरसह १४ अधिकाऱ्यांविरोधात गुन्हा दाखल केला आहे. या प्रकरणी पोलिसांनी भारतीय दंड संहितेच्या कलम १०८ म्हणजेच आत्महत्येस प्रवृत्त करणे, ३(५), ३ (१) आर आणि एससी/ एसटी कायद्यांतर्गत गुन्हा दाखल केला आहे. पोलिस सध्या या प्रकरणाचा तपास करत आहेत.

आयपीएस अधिकारी वाय पूरन कुमार यांनी आत्महत्या करण्यापूर्वी लिहिलेल्या सुसाईड नोटमध्ये १४ जणांवर गंभीर आरोप केले होते. त्यांनी ९ पानांचे सुसाईट नोट लिहिले होते. या सुसाईड नोटमध्ये त्यांनी डीजीपी शत्रुजीत कपूर आणि रोहतकचे एसपी नरेंद्र बिजारनिया यांच्यासह १४ जणांची नावं आहेत. जोपर्यंत गुन्हा दाखल होत नाही तोपर्यंत मृतदेह ताब्यात घेणार नाही असा आक्रमक पवित्रा पुरन कुमार यांच्या कुटुंबीयांनी घेतला. त्यानंतर या घटनेप्रकरणी सेक्टर -११ पोलिस ठाण्यात गु्न्हा दाखल करत तपास सुरू करण्यात आला होता.

वाय पूरन कुमार यांनी सुसाईड नोटमध्ये १४ जणांची नाव लिहित या सर्वांनी त्यांचा मानसिक छळ, जातीय भेदभाव केला असल्याचे लिहिले होते. यामुळे ते मानसिकदृष्ट्या खचले होते. यातूनच त्यांनी घरामध्ये एकटे असताना टोकाचे पाऊल उचलत आत्महत्या केली. त्यांनी ७ ऑक्टोबरला सेक्टर ११ मधील राहत्या घरी स्वत:वर गोळी झाडून आत्महत्या केली.

हरियाणातील वरिष्ठ आयएएस अधिकारी वाय. पूरन कुमार यांच्या पत्नी अमनीत पी. ​​कुमार या जपानला गेल्या होत्या. त्यांना नवऱ्याच्या आत्महत्येचे वृत्त कळताच त्या जपानहून परत आल्या. त्यानंतर बुधवारी त्यांनी चंदीगड सेक्टर ११ पोलिस ठाण्यात तक्रार दाखल केली . वाय पूरन कुमार यांनी सुसाईड नोटमध्ये लिहिले आहे की, त्यांना वर्षानुवर्षे वांशिक भेदभाव सहन करावा लागत होता. जेव्हा त्यांनी बोलण्याचा प्रयत्न केला तेव्हा त्यांना त्रास देण्यात आला.

या प्रकरणात गुन्हा दाखल झालेले अधिकारी -

- शत्रुघ्न कपूर, डीजीपी हरियाणा

- अमिताभ ढिल्लन , एडीजीपी

- संजय कुमार, एडीजीपी , 1997 बॅच

- पंकज नैन, आयजीपी २००७ बॅच

- कला रामचंद्रन , आयपीएस , १९९४ बॅच

- संदीप खिरवार , आयपीएस १९९५ बॅच

- सिबाश कविराज, IPS 1999 बॅच

- मनोज यादव, माजी डीजीपी , आयपीएस १९८८ बॅच

- पीके अग्रवाल , माजी डीजीपी , आयपीएस १९८८ बॅच

- टीव्हीएसएन प्रसाद, आयएएस १९८८ बॅच

- नरेंद्र बिजार्निया , एसपी रोहतक

- राजीव अरोरा , माजी एसीएस

- कुलविंदर सिंग, आयजी मधुबन

- माता रवी किरण, एडीजीपी , कर्नाल रेंज