Tamil Nadu road accident today ; गर्लफ्रेंडसोबत साता जन्माच्या गाठी बांधणार होता. घरात उत्साह अन् आनंदाचे वातावरण होते. लग्नाची तयारी जोरात सुरू होती. पण लग्न घटिका जवळ येण्याआधीच काळाने घाला घातला. लग्नाला ५ दिवस राहिले होते, त्याआधीच नवऱ्याचा अपघातात मृत्यू झाला. या घटनेनंतर होणाऱ्या नवरीचा अन् कुटुंबावर दुखाचा डोंगर कोसळला. आक्रोश अन् किंकाळ्याने घर शोकसागरात बुडाले. तमिलनाडूमधील उसिलमपट्टीमध्ये ही दुर्दैवी घटना घडली. (Groom dies in road accident just before wedding)

तमिलनाडूमधील मदुराई जिल्ह्यातील उसिलमपट्टी येथील तिरुवल्लुवर नगर येथील प्रसन्ना वेंकटेश हा बेंगळुरूमध्ये एका खासगी कंपनीत काम करत होता. २८ जानेवारी रोजी प्रसन्न याचं गर्लफ्रेंडसोबत लग्न होणार होते. वधू आणि वर यांच्या कुटुंबाची लग्नाची तयारी पूर्ण झाली होती. मित्र-मैत्रिणी, नातेवाईकांना लग्नाची पत्रिका पाठवण्यात आली होती. सगळ्या कुटुंबात आनंदाचे वातावरण होते, पण हा आनंद क्षणात दु:खात बदलला.

प्रसन्ना व्यंकटेश रात्री दुचाकीवरून घरी परतत येत होता. त्यावेळी टीईएलसी शाळेजवळ विरुद्ध दिशेने येणाऱ्या एका गाडीने जोरात धडक दिली. ही घडक इतकी भयानक होती की दुचाकीचा चुराडा झाला. प्रसन्न गंभीर जखमी झाला होता. प्रसन्न याच्या डोक्याला अन् मानेला प्रचंड जखमा झाल्या होत्या. पोलीस घटनास्थळावर पोहचले, त्यांनी तात्काळ मदतकार्य हातात घेतले. वण प्रसाद याचा घटनास्थळशावरच मृत्यू झाला. पोलिसांनी प्रसन्न याचा मृतदेह ताब्यात घेऊन पोस्टमार्टमसाठी पाठवला. त्यानंतर महामार्गावरील वाहतूककोंडी सुरळीत केली. लग्नाला अवघे पाच दिवस शिल्लक असताना नवरदेवाचा दुचाकी अपघातात दुर्दैवी मृत्यू झाल्यामुळे हळहळ व्यक्त केली जात आहे.