पावसाळा असो वा हिवाळा, भारतात दारूच्या लोकप्रिय ब्रँड्सना नेहमीच मोठी मागणी असते. विशेषतः ‘ओल्ड मंक’ सारख्या माफक दरात मिळणाऱ्या ब्रँडचा बाजारात मोठा खप आहे. मात्र ब्रँडेड दारूतच भेसळ होत असल्याचा धक्कादायक प्रकार आता समोर आलाय... भारतीय अन्न सुरक्षा आणि मानके प्राधिकरणानं लोकप्रिय दारूच्या ब्रँड्सच्या विशिष्ट उत्पादनांवर थेट बंदी घालण्याचा निर्णय घेतलाय..मात्र हा निर्णय FSSAIनं का घेतला पाहूयात.

FSSAIची कारवाई कशासाठी?

दारूच्या मूळ चवीत कृत्रिम फ्लेवर्सचा वापर

सुगंध हा मळी, माल्ट, किण्वन प्रक्रिया नैसर्गिकरीत्या नाही

नैसर्गिक प्रक्रियेऐवजी चवहीन न्युट्रल स्पिरीटचा वापर

रम किंवा व्हिस्कीत कृत्रिमरित्या फ्लेवर मिसळतात

ओल्ड मंक XXX रमवर 7 वर्षे जुने ब्लेंडेड लेबलही खोटं आढळलं

मुळात दारू बनवताना नैसर्गिक प्रक्रियेचा वापर न करता, कृत्रिम फ्लेवर्स वापरल्याचं चाचण्यामधून समोर आल्यानं ही बंदी घालण्यात आलीय... त्यामुळे आता व्हिस्की आणि रममध्ये फ्लेव्हर वापरल्यास त्याची माहिती बाटलीवर अधोरेखित करणं बंधनकारक असणार आहे. FSSAIन कोणत्या ब्रँडेड दारूवर बंदी घातलीय,पाहूयात.

या कारवाईनंतर संबंधित कंपन्यांकडून आक्षेपही नोंदवण्यात आलेत. दोन उत्पादक कंपन्यांच्या आक्षेपानंतर FSSAI ने उपलब्ध साठ्याच्या विक्रीला सशर्त परवानगी दिलीय. संबंधित उत्पादनाच्या पँकेजिंगवर त्यात वापरलेल्या घटकांचा स्पष्ट उल्लेख करणं बंधनकारक असणार आहे...ज्यामुळे ग्राहकांची दिशाभूल टाळता येईल. त्यात FSSAI ने मात्र ही कारवाई संपूर्ण दारू उद्योगाच्या विरोधात नसल्याचे स्पष्ट केलंय. केवळ नियमांचे उल्लंघन करणाऱ्या ठराविक उत्पादकांवरच कारवाई करण्यात येतेय. त्यामुळे यापुढे जर मद्यपींना फ्लेव्हरयुक्त ब्रँडेड दारू प्य़ायची नसल्यास अस्सल दारूची चव चाखता येणार आहे.