Generation Beta : 2025 पासून जन्मलेल्या पिढीला जनरेशन बीटा म्हणून ओळखले जाते. जनरेशन बीटा अशी पिढी असेल ज्यांचे आयुष्य पूर्णपणे तंत्रज्ञानाने सुसज्ज असेल. शिक्षणापासून ते आरोग्यसेवा आणि मनोरंजनापर्यंत, एआय आणि ऑटोमेशनने भरलेले नव्या जनरेशनचे आयुष्य असणार आहे. सध्या भारतात या जनरेशनची सुरुवात झाल्याची बातमी सुरु झाली आहे.

१ जानेवारी पासून नविन जनरेशन बीटाला सुरु झाले आणि याच दिवशी म्हणजे १ जानेवारी २०२५ रोजी पहाटे १२:०३ वाजता ऐझॉलमधील डर्टलांग येथील सिनॉड हॉस्पिटलमध्ये देशातील पहिल्या जनरेशन बीटा बाळाचा जन्म झाला आणि मिझोरममध्ये एक ऐतिहासिक क्षण घडला आहे.

फ्रँकी रेमरुआतदिका झाडेंग असे जनरेशन बीटाच्या पहिल्या बाळाचे नाव आहे. ३.१२ किलो वजनाच्या या निरोगी बाळाने एका नवीन पिढीच्या युगाची सुरुवात केली. जनरेशन बीटाशी संबंधित भारतातील पहिले मुलं फ्रँकी याचा जन्म ऐझॉल येथील रामझिरमावी आणि झेडडी रेमरुआतसांगा यांच्या कुटुंबात झाला आहे.

"जनरेशन बीटा" हा शब्द २०२५ ते २०३९ दरम्यान जन्मलेल्या मुलांसाठी वापरण्यात येणार आहे. रामझिरमावीने तिच्या मुलाच्या जन्मावर प्रचंड आनंद व्यक्त केला आणि त्याला मोठ्या अभिमानाचा क्षण म्हटले."जनरेशन बीटा" मध्ये जन्माला येणारी पुढील पिढी आतापर्यंतचे सर्वात तांत्रिकदृष्ट्या प्रगत असणारी पिढी असणार आहे.