Cargo Ship Fire Saam Tv
देश विदेश

Cargo Ship Fire: 3000 गाड्या घेऊन जाणाऱ्या जहाजाला लागली आग, इलेक्ट्रिक कार ठरली कारण...

Cargo Ship Fire News: गाड्या घेऊन जाणाऱ्या जहाजाला लागली आग, इलेक्ट्रिक कार ठरली कारण...

साम टिव्ही ब्युरो

Cargo Ship Fire: अलीकडेच डच किनार्‍यावर 3000 कार घेऊन जाणाऱ्या जहाजाला आग लागल्याची घटना घडली आहे. जर्मनीहून इजिप्तला जाणार्‍या पनामा-नोंदणीकृत 199 मीटरच्या फ्रेममेंटल हायवेला मंगळवारी रात्री आग लागली.

या जहाजाचे वजन सुमारे 18,500 टन आहे, जे कार वाहतूक करण्यासाठी कार्यरत होते. यात 350 मर्सिडीज बेंझ कारचाही समावेश आहे. आतापर्यंत हे जहाज बुडण्याचा धोका कायम आहे. जहाजावर ठेवलेल्या इलेक्ट्रिक कारमुळे ही आग लागली, असं सांगण्यात येत आहे.

डच ब्रॉडकास्टर NOS ने दिलेल्या माहितीनुसार, जहाजावरचे सर्व क्रू मेंबर्स भारतीय आहेत. या जहाजात 23 क्रू मेंबर्स होते, ज्यांना हेलिकॉप्टर आणि बोटीच्या मदतीने वाचवण्यात आले आहे. यामध्ये एका क्रू मेंबरचा मृत्यू झाला असून इतर सदस्य गंभीर जखमी झाले आहेत.  (Latest Marathi News)

डच कोस्टगार्डने सांगितले की, आग विझवण्यासाठी बचाव जहाजांनी पाणी ओतले, मात्र जास्त पाणी ओतल्याने जहाज बुडण्याचा धोका वाढला आहे. हे जहाज बुडू नये म्हणून याला दुसऱ्या जहाजाला बांधले जात आहे.

आग विझवण्यासाठी काही दिवस लागू शकतात. एका अधिकाऱ्याने सांगितले की, "आगीवर नियंत्रण मिळवता आलेले नाही. आग विझवणे खूप अवघड आहे. याचे कारण जहाजात ठेवलेला माल आहे." आगीचे कारण अद्याप तटरक्षक दलाने स्पष्ट केलेले नाही.

कोस्टगार्डच्या प्रवक्त्याने सांगितले की, "जहाजात 2857 गाड्या आहेत, त्यापैकी 25 इलेक्ट्रिक कार आहेत, ज्यामुळे आग भडकली आहे. अशा प्रकारची आग आटोक्यात आणणे सोपे नाही."

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

मोठी बातमी! विजयाच्या मेळाव्यानंतर राजकीय घडामोडींना वेग; ठाकरे गटाकडून भाजपच्या मोठ्या नेत्याला ऑफर

IND vs ENG 2nd Test Score: शुबमनकडून इंग्लंडच्या गोलंदाजांची धुलाई; दुसऱ्या डावातही ठोकलं शतक

India Bangladesh Tour: टीम इंडियाचा बांगलादेश दौरा का झाला रद्द? काय आहे कारण,जाणून घ्या

Shaktipeeth Expressway :'शक्तीपीठ' ठरणार पांढराहत्ती? शेतकऱ्यांचं नुकसान, शेकडो गावांना फटका बसणार; राजू शेट्टींनी सांगितले विकासाचे अडथळे

Satara News: थरारक! साताऱ्यातील खंबाटकी घाटात ट्रकचा जळून कोळसा; वाहतूक ठप्प, VIDEO

SCROLL FOR NEXT